झापा ।  भूमिसुधार तथा मालपोत कार्यालय भद्रपुरमा राजस्व वृद्धि भएको छ । 

भद्रपुर मालपोतले आर्थिक वर्ष २०८० र ८१ मा ८० करोड ५८ लाख १४ हजार ५ सय ९२ रुपैयाँ राजश्व सङ्कलन गरेको छ । ३६ हजार  ८ सय ७५ थान रजिष्ट्रेशन पारितबाट उल्लेखित आम्दानी भएको हो । 

आव २०८०र८१ मा स्थानीय तहले जग्गा वर्गीकरण गरी कित्ताकाट शुरु भएसँगै जग्गाको कारोबार बढेकाले राजस्व बढेको मालपोत कार्यालयका सूचना अधिकारी राजु दाहालले बताउनुभयो । ‘गत आव २०७९र ८० कोे तुलनामा  २२ करोड १२ लाख ६९ हजार  १ सय ९९ रुपैयाँले राजस्व वृद्धि भएको छ’ उहाँले भन्नुभयो । गत आवमा  ५८ करोड ४५ लाख ४५ हजार  ३ सय ९३ रुपैयाँ राजस्व सङ्कलन भएको थियो ।  

आर्थिक वर्ष २०८० र ८१ मा सेवा करवापत  ७ करोड ५१ लाख ३९ हजार चार सय ७६, रजिष्ट्रेशन दस्तुरबाट ४७ करोड ३० लाख ३० हजार पाँच सय ५४, छुटवापत  ६ करोड २७ लाख ८७ हजार ६ सय १२, डोर सुविधा शुल्क  एक लाख ८९ हजार, पुँजीगत लाभकर ३२ करोड एक लाख २५ हजार दुई सय ६७ र विलम्ब शुल्कवापत  एक लाख १७ हजार ९  सय ६ रुपैयाँ राजस्व सङ्कलन गरिएको उहाँले जानकारी दिनुभयो ।