काठमाडौँ । नवनियुक्त उपप्रधानमन्त्री तथा परराष्ट्रमन्त्री नारायणकाजी श्रेष्ठसँग चिनियाँ राजदूत छन सोङले भेटवार्ता गर्नुभएको छ । 

उपप्रधानमन्त्री श्रेष्ठले बुधबार मात्रै र परराष्ट्र मन्त्रालयको  जिम्मेवारी सम्हाल्नु भएको थियो । चिनियाँ  राजदूत छनले उपप्रधानमन्त्री श्रेष्ठले परराष्ट्रको जिम्मेवारी समालेको दोस्रो दिन बिहीबार उहाँसँग मन्त्रालयमा भेटवार्ता गर्नुभएको हो । 

उहाँहरुबीच दुई मुलुकको सम्बन्ध, हितका साथै विविध आयाम बारे छलफल भएको परराष्ट्रमन्त्रीको सचिवालयले जनाएको छ । सचिवालयका अनुसार चिनियाँ राजदूद छनले मन्त्री श्रेष्ठसँग भेट गर्न पाएकोमा खुशी व्यक्त गर्दै द्विपक्षीय सम्बन्ध र सहयोग रहने बताउनुभएको छ । 

उपप्रधानमन्त्री तथा परराष्ट्रमन्त्री श्रेष्ठसँग  यसअघि आजै भारतीय राजदूत नविन श्रीवास्तवले पनि मन्त्रालय पुगेर भेटवार्ता गर्नुभएको थियो ।