काठमाडौँ । गहनासहित ६५ लाख रुपैयँँका सामान चोर्ने ५ भारतीय पक्राउ परेका छन् । 

प्रहरीले काठमाडौँको गोकर्णेश्वर नगरपालिका ४ माकलवारीस्थित दिलमाया आलेमगरको घरबाट सुनका विभिन्न गरगहना तथा नगदसहित ६५ लाख रुपैयाँँ बराबरको धनमाल चोर्ने ५ भारतीय नागरिकलाई  पक्राउ गरेको हो । 

पीडितको जाहेरी आधारमा खोजतलास गर्ने क्रममा चोरीमा संलग्न ५ जना भारतीय नागरिकलाई पक्राउ गरिएको काठमाडौँ उपत्यका अपराध अनुसन्धान कार्यालयका प्रहरी उपरीक्षक रवीन्द्र रेग्मीले जानकारी दिनुभएको छ।   प्रहरी उपरीक्षक  रेग्मीका अनुसार फोहर उठाउने बहानामा दिउँसो माघ २८ गते दिउँसो घरको ढोका फोडेर चोरी भएको हो ।  कार्यालयले चोरीमा संलग्न भएको अभियोगमा भारतीय नागरिकलाई बिहीबार सार्वजनिक गरेको छ ।

उनीहरुले त्यसअघि काठमाडौँको बूढानीलकण्ठस्थित दिनेश घिमिरेको घरबाट सुन तथा नगद गरी  २५ लाख बराबरको धनमाल ाचोरी गरेको पाइएको प्रहरीले जनाएको छ । प्रहरीले उनीहरुबाट त्यो धनमाल बरामद गरेको छ । 

गोकर्णेश्वर नगरपालिका बस्ने गीता राईको घरबाट सुनचाँदीका गरगहना तथा नगद समेत गरी चार लाख १० हजार बराबरको धनमाल बरामद गरिएको प्रहरीले जनाएको छ ।