
काठमाडौँ । शेयर कारोबार मापक नेप्से परिसूचक फेरि दोहोरो अंकले घटेको छ । बुधबारदेखि ओरालो लागेको नेप्से परिसूचक आज पनि दोहोरो अंकले घटेको हो ।
नेपाल स्टक एक्सचेञ्जका अनुसार नेप्से परिसूचक १४ दशमलव ४६ अङ्कले ओरालो लागेर २ हजार ६२ दशमलव शून्य ३ मा सीमित भएको छ । ठूला कम्पनीको कारोबार मापन गर्ने सेन्सेटिभ परिसूचक ३ दशमलव ७१ अंकले ओरालो लागेर ३ सय ६८ दशमलव ५६ मा सीमित भएको छ। कारोबार भएका कूल १३ उपसमूहमध्ये १२ उपसमूहको शेयर मूल्यमा कमी आएको छ । एक उपसमूहको शेयर मूल्य भने उकालो लागेको छ ।
बिहीबार कूल एक करोड १४ लाख ७ हजार २ सय ६४ कित्ता शेयर, ३ अर्ब ८६ करोड ९१ लाख १८ हजार ७ सय ४१ रुपैयाँमा खरिद बिक्री भएको छ । कारोबारका आधारमा हिमालयन रिइन्स्योरेन्स शीर्षस्थानमा छ । त्यो कम्पनीको २२ करोड ८५ लाख ७६ हजार २ सय ६७ रुपैयाँ बराबरको शेयर कारोबार भयो ।
सगरमाथा जलविद्युत् कम्पनी ११ करोड ५९ लाख ६५ हजार ६ सय २१, जोशी हाइड्रोपावर १० करोड ७५ लाख ५८ हजार २ सय ८३, एनआइसी एसिया बैंक ८ करोड ७० लाख २३ हजार १ सय ८० र हिमालयन ऊर्जा विकास कम्पनी ८ करोड ५७ लाख ५१ हजार ९ सय ४५ रुपैयाँ बराबरको कारोबार भई शीर्ष पाँचभित्र पर्न सफल भएका छन् ।
नेप्सेका अनुसार बोटलर्स नेपाल बालाजु र समाज लघुवित्तको शेयर मूल्यमा १० प्रतिशतले वृद्धि भई सकारात्मक सर्किट लागेको छ । छ्याङदी हाइड्रोपावर आठ दशमलव शून्य एक, जोशी हाइड्रोपावर सात दशमलव ४७ र बलेफी हाइड्रोपावरका लगानीकर्ताले पाँच दशमलव ३४ प्रतिशतले कमाएका छन् ।
मैलुङ खोला जलविद्युत् कम्पनी ५ दशमलव ७०, प्रोगेसिभ फाइनान्स ५ दशमलव ५८, माहुली लघुवित्त ५ दशमलव ४२, रिभर फल्स पावर ५ दशमलव १५ र हिमालयन पावर पार्टनरका लगानीकर्ताले ४ दशमलव ९३ प्रतिशतले गुमाएका छन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु
- गभर्नरमा योग्यताका आधारमा क्षमतावान व्यक्ति नियुक्त हुन्छ : प्रधानमन्त्री
- पूर्वमन्त्री बस्नेतविरुद्ध भ्रष्टाचार मुद्दा : तीन अर्ब २१ करोड बिगो माग दाबी
- राष्ट्रपति पौडेलद्वारा बौद्ध स्तूपामा पूजा, आराधना
- लुम्बिनीमा शोभायात्रा, प्रधानमन्त्रीद्वारा औपचारिक कार्यक्रम उद्घाटन
- आज किराँत समुदायले उँभौली पर्व मनाउँदै