रौतहट । नेपाली कांग्रेसका नेता मोहम्मद अफताब आलमको मुद्दामा साक्षी झिकाउन आदेश भएको छ। 

रौतहट जिल्ला अदालतले राजपुर बम काण्डका आरोपीआलमको मुद्दामा साक्षी झिकाउन आदेश दिएको हो। जिल्ला न्यायाधीश मातृकाप्रसाद आचार्यको इजलासले आइतबार आलमको मुद्दामा साक्षी झिकाउन आदेश दिएको हो ।

मुद्दामा आलमका तर्फबाट अधिवक्ता लालबाबु राय, महम्मद साबिर हुसेन, मजरुल हक र अफताब आलमले बहस गर्नुभएको थियो ।  नेपाल सरकारको तर्फबाट जिल्ला न्यायधिवक्ता बद्रीकुमार कार्की र अधिवक्ता अधिवक्ता पुष्प पौडेलले बहस गर्नुभएको थियो ।  

कांग्रेसका रौतहट सभापति समेत भएका आलममाथि  २०६४ सालमा संविधानसभाको चुनावका बेला चुनाव प्रचारमा खटिएको टिम बम विस्फोटमा परेको र घाइते भएका केही व्यक्तिलाई इँटाभट्टामा हालेर जलाएको आरोप लागेको छ ।  यो मुद्दामा थुनछेक बहसपछि आलम २०७६ कात्तिकदेखि पुर्पक्षका लागि थुनामा छन् ।