काठमाडौँ । प्रेस चौतारी नेपालले अध्यक्ष, उपाध्यक्ष तथा महासचिव लगायतका पदाधिकारी र केन्द्रीय सदस्यको उम्मेदवार बन्नको लागि चर्को शुल्क तोकेको छ । कतिपय प्रतिनिधिले उम्मेदवार शुल्क विबरण सामाजिक सन्जालमा पोष्ट गरेरै त्यसप्रति विरोध जनाइरहेका छन् । 

प्रेस चौतारीको १०औँ महाधिवेशन आइतबारदेखि विराटनगरमा भइरहेको छ । चौतारीले अध्यक्षको उम्मेदवार बन्न ३५ हजार रुपैयाँ शुल्क तोकेको छ । अन्य पदाधिकारीको लागि उम्मेदवार शुल्क २५ हजार रुपैयाँ तय गरिएको छ । आयोग अध्यक्ष बन्न चाहनेले १५ हजार रुपैयाँ बुझाउनुपर्ने भएको छ । 

आयोगको अन्य पदाधिकारी र केन्द्रीय सदस्य बन्न चाहनेलाई उम्मेदवार शुल्क १० हजार रुपैयाँ तोकिएको छ । उम्मेदवार शुल्क चर्को भएको भन्दै महाधिवेशनमा सहभागी प्रतिनिधिहरुले असन्तुष्टि व्यक्त गरिरहेका छन् । 

कतिपय प्रतिनिधिले उम्मेदवार शुल्क विबरण सामाजिक सन्जालमा पोष्ट गरेरै त्यसप्रति विरोध जनाइरहेका छन् । उम्मेदवार शुल्क चर्को भएपछि अध्यक्षसहित पदाधिकारीमा उम्मेदवार न्यून हुने देखिएको छ । केन्द्रीय सदस्यको उम्मेदवार समेत अत्यन्तै कम हुने स्थिति बनेको छ ।