काठमाडौँ । माघ ११ गते हुने राष्ट्रियसभा निर्वाचनमा कोशी प्रदेशमा नेकपा (एमाले) र राष्ट्रिय प्रजातन्त्र पार्टी (राप्रपा) बीच तालमेल गर्ने सहमति भएको छ। यो सहमतिसंगै एमाले र राप्रपाले कोशी प्रदेशमा एकअर्का पार्टीका उम्मेदवारलाई सहयोग गर्ने भएका छन् । 

सहमति अनुसार एमालेकी उम्मेदवार रूक्मिणी कोइराला र राप्रपाका उम्मेदवार उद्धव पौडेललाई दुबै पार्टीले साझा उम्मेदवार बनाएर निर्वाचनमा जाने सहमति भएको छ । ‘सहमति पात्रमा नेकपा (एमाले) कोशी प्रदेश अध्यक्ष घनश्याम खतिवडा र राप्रपाका कोशी प्रदेश अध्यक्ष राम कुमार थापाले हस्ताक्षर गरेका छन् । 

केन्द्रीय तहमै छलफल गरी तालमेलको निर्णय गरिएको नेताहरूले बताएका छन्। ‘

कोशीमा एमालेले भोजपुरका परशुराम अधिकारी र सुनसरीकी रूक्मिणी कोइरालालाई उम्मेदवार बनाएको थियो।

कोशीमा सत्ता गठबन्धनका तर्फबाट अन्यमा नेपाली कांग्रेसका पूर्वमहामन्त्री कृष्णप्रसाद सिटौला र नेकपा माओवादी केन्द्रबाट चम्पादेवी कार्की उम्मेदवार छन्। 

कोशीमा सत्ता गठबन्धनको मतभार ५ हजार ४ सय ७४ छ भने बाँकी दलको कूल मतभार ४ हजार ६ सय ६१ छ।