काठमाडौँ । राष्ट्रिय प्रजातन्त्र पार्टी (राप्रपा) नेपालले पृथ्वीजयन्ती तथा राष्ट्रिय एकता दिवसको अवसरमा चियापान कार्यक्रम आयोजना गरेको छ ।

राप्रपाले ३०२औँ पृथ्वीजयन्ती तथा राष्ट्रिय एकता दिवसमा शुक्रबार काठमाडौँको भृकुटीमण्डपमा चियापान कार्यक्रम गरेको हो। कार्यक्रममा पार्टी अध्यक्ष कमल थापासहितका पार्टी पदाधिकारीले आमन्त्रित पाहुनालाई स्वागत अभिवादन गर्नुभएको छ।
 
चियापानमा सभामुख देवराज घिमिरे र उपसभामुख इन्दिरा राना सहभागी हुनुभएको छ । कार्यक्रममा मन्त्री, मन्त्रिपरिषद्का पूर्वध्यक्ष, विभिन्न राजनीति दलका नेता तथा कार्यकर्ता, पूर्वप्रशासक, पूर्वसुरक्षाकर्मी, उद्योगी, व्यपारी, नेपालस्थित विभिन्न कूटनीतिक नियोगका प्रमुख एवं प्रतिनिधि तथा सर्वसाधारणको उपस्थिति रहेको छ । 

राप्रपा नेपालले पृथ्वीजयन्ती तथा राष्ट्रिय एकता दिवसमा प्रत्येक वर्ष पुस २७ गते चियापान कार्यक्रम गर्दै आएको छ ।