नेपालकैरन
काठमाडौँ । नेपाली कांग्रेसका सांसद कृष्णप्रसाद सिटौलाले समसामयिक विषयमा सरकारको ध्यानाकर्षण गराउनुभएको छ । उहाँले किसानका, कर्णालीका बासिन्दाका, बेरोजारी तथा श्रमिकका समस्याबारे सरकारको ध्यानाकर्षण गराउनुभएको हो ।
राष्ट्रियसभाको आजको बैठकमा दलीय आधारमा बोल्दै सांसद सिटौलाले भन्नुभयो– ‘संविधानमा व्यवस्था भए अनुसारका मौलिक हक कार्यान्वयनका सन्दर्भमा सबै मिलेर लाग्नुपर्छ । दलका नेता व्यक्तिगत तथा पार्टीगत स्वार्थभन्दा माथि उठेर जनता र मुलुकका लागि सोच्नुपर्छ ।’
सबै मिलेर संविधानको रक्षा गर्नुपर्ने उहाँको भनाइ छ । संविधानमा गरिएका व्यवस्था तथा सेवाबाट कोही पनि वञ्चित हुन नहुने उहाँले बताउनुभयो । दलका नेताहरु राष्ट्र र जनताप्रति केन्द्रित हुनेभन्दा पनि व्यक्तिगत र पार्टीगत स्वार्थमा लागेका उहाँको भनाइ छ । सांसद सिटौलाले किसानका समस्या, कर्णालीका समस्या, बेरोजारी तथा श्रमिकका समस्याबारे सरकारको ध्यानाकर्षण गराउनुभयो ।
नेकपा (माओवादी केन्द्र) का सांसद झक्कुप्रसाद सुवेदीले प्राप्त उपलब्धि गुम्ने खतरा बढ्दै गएको भन्दै उपलब्धि जोगाउनका लागि पनि सबै राजनीतिक दलहरु एकै ठाउँमा उभिनुपर्ने धारणा राख्नुभयो । सबै मिलेर संविधानको रक्षा गर्नुपर्ने उहाँको भनाइ छ ।
नेकपा (एमाले) का सांसद देवेन्द्र दाहालले राजनीतिक स्थिरता कायम गर्दै बेरोजगारी, शिक्षा, स्वास्थ्यलगायत जनताका साझा समस्या समाधान गर्ने प्रयत्न गर्नुपर्ने बताउनुभयो ।
नेकपा (एकीकृत समाजवादी) का सांसद डा बेदुराम भुषालले यसअघि राष्ट्रियसभाले गरेका राम्रा कामलाई अगाडि बढाउनुपर्नेमा जोड दिनुभयो । सांसद बामदेव गौतमले प्रतिनिधिसभाका सांसद र राष्ट्रियसभाका सांसदबीच विभेद् हुन नहुने बताउनुभयो ।
सांसद शेखरकुमार सिंहले मधेश समुदायप्रति कुनै किसिमको विभेद् हुन नहुने बताउनुभयो । सांसद तुलप्रसाद विश्वकर्मा र मेगेन्द्रसिंह यादवले मुलुकमा विद्यमान समसामयिक विषयमा सरकारको ध्यानाकर्षण गराउनुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- प्रतिनिधि सभाबाट दशरथ चन्द विश्वविद्यालय विधेयक पारित
- रवि लामिछानेको बन्दीप्रत्यक्षीकरण रिटमा आज सुनुवाइ हुँदै
- यूएईलाई हराउँदै नेपाल महिला विश्वकप छनोटको ग्लोबल क्वालिफायरमा
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति
- पानी पर्ने बादल सक्रिय, सतर्क रहन विभागको आग्रह
- २५ बुँदे ‘सगरमाथा कार्य आह्वान’ जारी गर्दै सगरमाथा संवाद सम्पन्न
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री