ताप्लेजुङ । ताप्लेजुङको सदरमुकाम फुङ्लिङमा सृजना उत्सव तथा स्रष्टा सम्मान कार्यक्रम गरिएको छ । फुङलिङ नगरपालिका र कञ्चनजङ्घा साहित्य प्रतिष्ठानको सहयोगमा ‘नेपाली साहित्य डट कम’ प्रतिष्ठानले आज साहित्य परिसंवाद कार्यक्रम गरिएको हो । 

काठमाडौँ लगायत १९ र स्थानीय साहित्यकारको सहभागितामा ‘मेरो राष्ट्र मेरो ध्येय’ नारासहित शनिबार कला साहित्य यात्रा–२०८० अन्तर्गत यस वर्षको कार्यक्रमको आयोजना गरिएको कञ्चनजङ्घा साहित्य प्रतिष्ठानका अध्यक्ष कमलप्रसाद भट्टराईले जानकारी दिनुभयो । 

कार्यक्रममा योगेश्वर वाङ्मय पुरस्कारद्वारा विमल वैद्य _इलाम_ र ग्रेगरी कला संस्कृति पुरस्कारद्वारा भरतकुमार गुरुङ (ताप्लेजुङ)लाई पुरस्कृत गरिएको छ । ताप्लेजुङसहित विभिन्न जिल्लाबाट उपस्थित साहित्य सर्जकले आ–आफ्ना सृजना वाचन गरेका थिए । प्रतिष्ठानकै आयोजनामा आजै साहित्य परिसंवाद कार्यक्रम गरिएको आयोजक नेपाली साहित्य डट कम प्रतिष्ठानका अध्यक्ष कवि निबन्धकार मोमिला जोशीले बताउनुभयो ।