नेपालकैरन
काठमाडौँ । नेपाली कांग्रेसका पूर्वमहामन्त्री तथा राष्ट्रियसभा सदस्य कृष्णप्रसाद सिटौलाले प्रधानमन्त्री पुष्पकमल दाहाल प्रचण्डप्रति आक्रोश व्यक्त गर्नुभएको छ ।
कांग्रेस नेता सिटौलाले आइतबार प्रधानमन्त्रीलाई भेटेरै पछिल्लो समय पार्टीको जिम्मेवारी समेत नलिएर शान्तसँग बसेकालाई ‘अध्यक्ष बनाउँछु’ भन्दै राष्ट्रियसभामा ल्याएर घोका दिएको भन्दै आक्रोश व्यक्त गर्नुभएको हो । सिटौलाले महामन्त्री गगन थापा र प्रमुख सचेतक रमेश लेखकसहित बालुवाटार पुगेर प्रधानमन्त्रीसँग भेटवार्ता गर्नुभएको हो ।
भेटवार्तामा कांग्रेस नेता सिटौलाले पछिल्लो समय आफू पार्टीको कार्यकारी पदमा समेत नरहेर शान्त तरिकाले बसिरहँदा ‘अध्यक्ष बनाउँछु’ भन्दै राष्ट्रियसभामा ल्याएर गम्भीर धोका दिएको गुनासो गर्नुभएको छलफलमा सहभागी एक नेताले जानकारी दिनुभएको छ । ‘राष्ट्रियसभाको अध्यक्ष बन्नुपर्दछ भनी सबभन्दा पहिले तपाईंले भन्नुभएको हो’ भेटवार्तामा प्रधानमन्त्रीलाई सिटौलाले भन्नुभएको भनाइ उद्धृत ती नेताले भन्नुभयो– ‘तपाईंले राष्ट्रियसभा अध्यक्ष हुँदैन भनेको भए म राष्ट्रियसभाको सदस्य मात्रै हुने गरी उठ्ने थिइनँ ।’
प्रधानमन्त्री र कांग्रेस सभापति शेरबहादुर देउवा दुवै जना अध्यक्ष बनाउन सहमत भएपछि मात्र आफू राष्ट्रियसभा आएको सिटौलाको भनाई छ । भेटवार्तामा सहभागी नेताका अनुसार सिटौलाले प्रधामन्त्रीलाई ‘पार्टीलाई धोका त भयो भयो, तपाईंका कारण मलाई पनि धोका भयो’ भन्नुभएको छ ।
आफूहरुसँग कांग्रेस गठबन्धनलाई निरन्तरता दिने भन्ने, एमाले अध्यक्ष केपी शर्मा ओलीसँग पनि वार्ता गर्ने गरेको भन्दै सिटौला प्रधानमन्त्रीसँग जंगिनुभएको छ ‘त्यो बेला केही पनि छैन भनिरहनुभयो । अहिले आएर ४/५ महिनादेखि केपी ओलीसँग कुरा गरिरहेको थिएँ भन्नुहुन्छ । यसरी ढाँट्ने ? तपाईंले जुन धोकाधडीको राजनीति गर्नुभयो । यो यहीं टुंगिन्छ भनेर नठान्नुहोला’ भन्दै बालुवाटारबाट बाहिरिनुभएको सहभागी ती नेताले बताउनुभयो ।
ती नेताका अनुसार कांग्रेस नेता सिटौला जंगिँदा प्रधानमनत्ती दाहाल भने उहाँको कुरा सुनेर चुपचाप बस्नुभएको थियो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- प्रतिनिधि सभाबाट दशरथ चन्द विश्वविद्यालय विधेयक पारित
- रवि लामिछानेको बन्दीप्रत्यक्षीकरण रिटमा आज सुनुवाइ हुँदै
- यूएईलाई हराउँदै नेपाल महिला विश्वकप छनोटको ग्लोबल क्वालिफायरमा
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति
- पानी पर्ने बादल सक्रिय, सतर्क रहन विभागको आग्रह
- २५ बुँदे ‘सगरमाथा कार्य आह्वान’ जारी गर्दै सगरमाथा संवाद सम्पन्न
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री