नेपालकैरन
काठमाडौँ । बिना विभागीय ३ मन्त्रीको शपथग्रहण भएको छ ।
सत्ता समीकरण फेरिसँगै मन्त्री बन्नुभएका नेकपा एमालेका पदम गिरी, नेकपा माओवादी केन्द्रका हितबहादुर तामाङ र राष्ट्रिय स्वतन्त्र पार्टी (रास्वपा)का डोलप्रसाद (डीपी)अर्याललाई राष्ट्रपति रामचन्द्र पौडेलले सोमबार साँझ पद तथा गोपनीयताको शपथ गराउनुभएको हो ।
प्रधानमन्त्री पुष्पकमल दाहालले नेपाली कांग्रेससँगको गठबन्धन तोडेपछि उहाँहरुलाई तत्काल विभागीय मन्त्रीको शपथ गराएको हो । प्रधानमन्त्रीले नयाँ समीकरणमा रहेका दलमध्ये जसपा बाहेक दलको एक एक जना सहभागी गरएर मन्त्रिमण्डल गठन गर्नुभएको हो ।
पर्वतबाट प्रतिनिधिसभामा निर्वाचित एमालेका गिरी यसअघि पनि दाहाल नेतृत्वको सरकारमा स्वास्थ्य तथा जनसंख्यामन्त्री हुनुहुन्थ्यो । प्रधानमन्त्री दाहालले राष्ट्रपति निर्वाचनमा गठबधन तोडेपछि एमाले सत्ताबाट बाहिरिँदा उहाँ मन्त्रीबाट हट्नु परेको थियो ।
रास्वपाका उपसभापति अर्याल पनि दाहाल सरकारमा यसअघि श्रम, रोजगार तथा सामाजिक सुरक्षामन्त्री हुनुहुन्थ्यो । वर्ष नागरिकता प्रकरणमा सभापति रवि लामिछानेको सांसद पद गुमेपछि पार्टीले सरकारबाट बाहिरिने निर्णय गरेसँगै उहाँले मन्त्री पद छोड्नु भएको थियो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- नागरिकता विधेयक राष्ट्रियसभाबाट सर्वसम्मत पारित
- विद्या लक्षित ओलीको टिप्पणी– कसैको सदस्यता खोसेको छैन
- विद्यालय शिक्षा विधेयक प्रतिवेदन प्रतिनिधिसभामा पेश
- एकीकृत समाजवादीले भदौ ९ गते स्थापना दिवस मनाउने
- भारत - चीन सहमतिप्रति सांसदहरुले जनाए आपत्ति
- च्यासलले सदस्यता खोसे पनि एमालेमै संघर्ष गरिरहन्छु : पूर्वराष्ट्रपति भण्डारी
- ओलीको राजनीतिक विचार मदन भण्डारी फाउण्डेशनसँग जोडिएको छ : ईश्वर पोखरेल
- जेलमा रविको अनुहार हेर्दै प्रचण्डले भने– कठै दुब्लाउनुभएछ
- गौर हत्याकाण्ड छानबिन गर्न आदेश
- रवि लामिछाने अस्वस्थ, रगत परीक्षणको लागि वीर अस्पताल पठाइयो