नेपालकैरन
काठमाडौँ । सरकारको नेतृत्व गरिरहेको नेकपा माओवादी केन्द्रले राष्ट्रियसभा अध्यक्ष पदमा उम्मेदवारी दिने भएको छ । माओवादी केन्द्रको बुधबार बिहान बसेको स्थायी समिति बैठकले राष्ट्रियसभा अध्यक्षमा आफ्नो दलबाट उम्मेदवार उठाउने निर्णय गरेको छ।
स्थायी समिति बैठकले राष्ट्रियसभा अध्यक्षमा आफ्नै उम्मेदवारी दिने निर्णय गरेको प्रवक्ता अग्निप्रसाद सापकोटाले जानकारी दिनुभएको छ। १यद्यपि, यस सम्बन्धमा गठबन्धनभित्र पनि छलफल हुनेछ, छलफलबाटै निष्कर्षमा पुगिने छ, अहिले हाम्रो पार्टीले पनि उम्मेदवारी दिने निर्णय गरेको छ’ उहाँले भन्नुभयो । बैठकमा राष्ट्रियसभा अध्यक्षमा माओवादीले दाबी गर्नुपर्छ भनेर अधिकांश सदस्यले धारणा राख्नुभएको उहाँले जानकारी दिनुभयो ।
प्रतिनिधिसभामा तेस्रो हैसियतमा रहे पनि गठबन्धनको कारण सरकारको नेतृत्व गर्ने अवसर पाएको माओवादी केन्द्रले राष्ट्रियसभा ठूलो दलको महत्वकाँक्षा ठान्दै अध्यक्षमा आफ्नै उम्मेदवारी दिने निर्णय गरेको हो । स्रोतका अनुसार माओवादी केन्दले राष्ट्रियसभा अध्यक्षमा झक्कुप्रसाद सुवेदीलाई उम्मेदवार बनाउने योजना बनाइरहेको छ ।
राष्ट्रियसभा अध्यक्ष गणेशप्रसाद तिमल्सिनाको पद फागुन २० सकिँदैछ । राष्ट्रियसभा अध्यक्षको कार्यकाल सकिने दिन नजिकिँदै गर्दा त्यो पदका लागि सत्ता गठबन्धनभित्रकै विभिन्न दलले दाबी प्रस्तुत गरिरहेका छन् ।
प्रतिनिधिसभाको ठूलो नेपाली कांग्रेसले पनि राष्ट्रियसभा अध्यक्ष आफ्नो हुनुपर्ने दाबी गर्दै आएको छ । कांग्रेसले अध्यक्ष बनाउने उदेश्यसहित पूर्वमाहमन्त्री कृष्णप्रसाद सिटौलालाई रष्ट्रियसभा सदस्यमा ल्याएको हो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति
- पानी पर्ने बादल सक्रिय, सतर्क रहन विभागको आग्रह
- २५ बुँदे ‘सगरमाथा कार्य आह्वान’ जारी गर्दै सगरमाथा संवाद सम्पन्न
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु