काठमाडौँ । सत्तारुढ दल दल नेकपा एकीकृत समाजवादीले बालकुमारी घटना प्रकरणमा जाँचबुझ आयोगको प्रतिवेदन नहेरी भौतिक पूर्वाधारमन्त्रीबारे निर्णय नगर्ने भएको छ ।

एकीकृत समाजवादीको बिहीबार बसेको सचिवालय बैठक मन्त्री ज्वालाबारे छलफल भएको छ । बैठकमा बालकुमारी घटना  प्रकरणमा कसलाई कुन कारणले दोषी देखाइएको छ ? भन्ने जानकारी नभएको र प्रधानमन्त्रीले जाँचबुझ आयोगको प्रतिवेदन अध्ययन गरिहेकाले कुनै निर्णय नगरेको प्रचार विभाग प्रमुख जगन्नाथ खतिवडाले जानकारी दिनुभएको छ ।

पुस १३ गते ललिपुरको बालकुमारीमा  दुई युवकको मृत्यु हुने गरी भएको घटनाबारे जाँचबुझ गर्न गठित आयोगले गत शुक्रबार उपप्रधानमन्त्री तथा गृहमन्त्री नारायणकाजी श्रेष्ठलाई प्रतिवेदन बुझाएको थियो ।

प्रतिवेदनमा फिल्ड कमाण्डर डीएसपी उमेश लम्साल र निजी सुरक्षा अधिकारी (पीएसओ) बोधराज अधिकारीसँगै मन्त्री ज्वालालाई समेत दोषी किटान गरिएको छ । मन्त्री नगएको भए अप्रिय घटना नहुने समितिको निष्कर्ष छ ।