काठमाडौँ ।  नेपाल स्टक एक्सचेञ्ज (नेप्से) परिसूचकमा दोहोरो अङ्कले सुधार आएको छ । 

साता कारोबारको तेस्रो दिन मंगलबार नेप्से परिसूचक १४ दशमलव ८८ अङ्कले बढेर २ हजार १ सय १९ दशमलव ६१ को बिन्दुमा कायम भएको छ ।

मंगलबार ३ सय ८ कम्पनीको १ करोड ५१ लाख ७८ हजार ३ सय ६८ कित्ता शेयर, १ लाख १७ हजार ५९ पटक खरिदबिक्री हुँदा ५ अर्ब ५४ करोड ४२ लाख १७ हजार ५ सय ९३ रुपैयाँ बराबरको कारोबार भएको छ ।

बैंकिङ समूह शून्य दशमलव १७, लघुवित्त समूह शून्य दशमलव ३० र निर्जीवन बीमा समूह शून्य दशमलव ०३ प्रतिशतले घटेको छ ।  अरु सबै समूहको उपसूचक बढेको छ । सबैभन्दा धेरै अन्य समूहको उपसूचक तीन दशमलव ५६ प्रतिशतले बढेको छ ।

चन्द्रागिरी हिल्स लिमिटेड, समाज लघुवित्त वित्तीय संस्था लिमिटेड र रावा इनर्जी डेभलपमेन्ट लिमिटेडको शेयर मूल्यमा  सकारात्मक सर्किट लागेको छ । सबैभन्दा धेरै घट्नेमा भने मिड सोलु हाइड्रोपावर लिमिटेडको शेयर मूल्य ८ दशमलव ३५ प्रतिशतले घटेको छ ।

कारोबार रकम र कारोबार भएका शेयर सङ्ख्याका आधारमा मंगलबार सबैभन्दा धेरै हिमालय रिइन्स्योरेन्स लिमिटेडको  ७५ करोड २७ लाख ८६ हजार ९ सय १८ रुपैयाँ बराबरको १० लाख ७० हजार १ सय ७२ कित्ता शेयर किनबेच भएको छ ।