
मोरङ । ‘हातहातमा मोबाइल, गाउँगाउँमा सामाजिक सञ्जाल’ सुन्दरहरैँचामा हिजोआज एउटै आवाज सुनिन्छ, सुन्दरहरैँचा विराट एक्स्पो–४ । माघ महिनाको शीतलहर तथा कठङ्याग्रिँदो चिसोको कुनै परवाह नगरी सामाजिक कार्य गर्ने हेतुले यहाँ महोत्सवको चर्चा छ ।
कोही ‘टिकटक’ तथा कोही ‘भिडियो’मा एक्स्पोको प्रचारप्रसार गर्न व्यस्त छन् । महोत्सवको एउटै उद्देश्य हो, नगरको पहिचान बढाउने, व्यापार व्यवसायको प्रवर्द्वन गरी सुविधा सम्पन्न पुस्तकालयसहितको आधुनिक सार्वजनिक शौचालय निर्माण गर्नु । नगरका विभिन्न स्थानमा विदेशी मापदण्डको आधुनिक सुविधासम्पन्न पुस्तकालयसहितको सार्वजनिक शौचालय निर्माण सहयोगार्थ सुन्दरहरैँचा विराट एक्स्पो–४ आयोजना गर्न लागिएको हो । सुन्दरहरैँचा उद्योग वाणिज्य सङ्घको आयोजनामा माघ ३० देखि फागुन १० गतेसम्म एक्स्पो सञ्चालन हुनेछ ।
नगरको सलकपुर, विराटचोकमा विदेशी मापदण्डको सुविधासम्पन्न पुस्तकालयसहितको ‘सैलुन बाथरुम’ भएको तीनतले सार्वजनिक शौचायल निर्माण भएर चालु अवस्थामा छ । अन्य स्थानमा निर्माणाधीन अवस्थामा रहेका शौचालयको कार्य सम्पन्न गर्न एक्स्पोबाट रकम सङ्कलन गरेर सार्वजनिक शौचालय निर्माण गर्न लागिएको हो । महोत्सव मूल समारोह समितिका संयोजक भोलेश्वर दुलालले नगरका विभिन्न स्थानमा बनाउन बाँकी आधुनिक शौचालय निर्माणसम्पन्न गर्न आवश्यक कोष जुटाउन ‘एक्स्पो’ सञ्चालन गर्न लागिएको जानकारी दिनुभयो ।
उहाँले चालु शौचालय परियोजनाहरू पूरा गर्न र नयाँ शुरु गरी स्रोत सुनिश्चितताका लागि एक्स्पो महत्वपूर्ण हुने विश्वास व्यक्त गर्नु भयो । ‘हाल नगरपालिकामा दुई सार्वजनिक शौचालयहरू चालु छन् । थप दुईको निर्माण भइरहेको छ । प्रदर्शनीबाट प्राप्त रकम हरैँचा र खोर्सानेमा निर्माणाधीन शौचालयको काम सम्पन्न गर्न र थप दुई सार्वजनिक शौचालयहरू थप्न खर्च गरिने छ’ संयोजक दुलालले भन्नुभयो ।
एक्स्पो सञ्चालनका लागि करिब चार करोड रुपैयाँ खर्च हुने आयोजकको अनुमान रहेको छ । जसमा लक्षित विकास परियोजनाहरूका लागि एक करोड रुपैयाँ बचत हुने अपेक्षा गरिएको छ । यस वर्षको महोत्सवमा दुई सय स्टल रहने उल्लेख गरिएको छ । महोत्सवमा खेलकुद, बाल उद्यान, मनोरञ्जन, अटोमोबाइल, कृषि, पर्यटन, व्यापारका साथै नयाँ प्रविधि एआईको प्रयोग र उपयोगबारे जानकारी गराउने स्टल समेत रहने आयोजकले जनाएको छ ।
स्थानीय उत्पादन, कृषि प्रविधि, कपडा, उद्योग, व्यापार तथा नवप्रवर्तनसँग सम्बन्धित स्टलहरू राखिने मेलाका स्टल व्यवस्थापन उपसमिति संयोजक ज्ञानप्रसाद ढकालले जानकारी दिनुभयो । उहाँले ७६ स्टलहरू औद्योगिक उत्पादन, ५० स्टल कृषि र घरेलु सामान प्रदर्शन तथा शैक्षिक संस्था, बैङ्क र वित्तीय संस्थाहरूलाई समर्पित ४०, अटोमोबाइल व्यवसायका लागि १९ स्टलहरू रहने जानकारी दिनुभयो । यस्तै, होटल प्रतिनिधित्व गर्ने १४ स्टल रहने र हाल ८० प्रतिशत स्टल बुक भइसकेका छन् । आयोजक सङ्घका अध्यक्ष नारायण कार्कीले महोत्सव व्यवस्थापनका लागि ५०१ सदस्यीय मुख्य आयोजक समिति र १९ उप–समितिहरू गठन गरिएको बताउनुभयो ।
११ दिनसम्म सञ्चालन हुने एक्स्पोमा सबैलाई सहभागिता जनाउन उद्योग वाणिज्य सङ्घले आग्रह गरेको छ । गत वर्षको संस्करणमा एक लाख ५० हजारले महोत्सव अवलोकन गरेकामा यस वर्ष तीन लाखको उपस्थित हुने अपेक्षा गरिएको छ ।
यहाँस्थित विराटचोकमा करिब तीन बिघा जग्गा १० वर्षका लागि भाडामा लिएर मेला लगाउन लागिएको छ । आगामी दिनमा मेला मात्र नभइ बहुप्रयोजनका लागि जग्गा सुरक्षित गरिएको संयोजक दुलालले बताउनुभयो ।
नगरप्रमख केदारप्रसाद गुरागाईंले महोत्सव व्यवस्थापनका लागि जग्गा भाडामा दिइएको र सम्झौताअनुसार अगाडि बढाइने बताउनुभयो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु
- गभर्नरमा योग्यताका आधारमा क्षमतावान व्यक्ति नियुक्त हुन्छ : प्रधानमन्त्री
- पूर्वमन्त्री बस्नेतविरुद्ध भ्रष्टाचार मुद्दा : तीन अर्ब २१ करोड बिगो माग दाबी
- राष्ट्रपति पौडेलद्वारा बौद्ध स्तूपामा पूजा, आराधना
- लुम्बिनीमा शोभायात्रा, प्रधानमन्त्रीद्वारा औपचारिक कार्यक्रम उद्घाटन
- आज किराँत समुदायले उँभौली पर्व मनाउँदै