नेपालकैरन
पाल्पा । रामपुर नगरपालिकाले युवालाई जीवनोपयोगीका लागि सीप सिकाउन थालेको छ ।
यहाँका ४० युवालाई श्रमिकका लागि कार्यस्थलमा आधारित तथा जीवनोपयोगी सीप विकाससम्बन्धी तालिम नगरपालिकाले शुरु गरेको हो ।
नेपाल सरकारको प्रधानमन्त्री रोजगार कार्यक्रमको युवा रोजगारीका लागि रुपान्तरण पहल परियोजनाअन्तर्गत श्रमिकका लागि कार्यस्थलमा आधारित तथा जीवनोपयोगी सीप विकाससम्बन्धी तालिम सडक मर्मतकर्मीका लागि ५० दिने सीप सिकाउन थालेको नगरपालिकाका प्रमुख प्रशासकीय अधिकृत सूर्यदर्शन पण्डितले जानकारी दिनुभयो ।
प्राथमिकताको आधारमा वडा÷वडाबाट छनोट भएका सूचिकृत बेरोजगारलाई तालिममा सहभागी गराइएको छ । सहभागीलाई १० दिन जीवनोपयोगी सीप र ४० दिन कार्यस्थलमा आधारित सीप प्रदान गरिनेछ ।
नगरपालिकाको आयोजना र लुम्बिनी पोलिटेक्निकल इन्ष्टिच्युट बुटवल रुपन्देहीको सहजीकरणमा हुने तालिममा १० दिनसम्म दैनिक जीवनसँग जोडिने विषय र ४० दिन कार्यस्थलमा गएर पर्खाल लगाउने, सडक मर्मत कसरी गर्ने, सुरक्षा, उपकरणको प्रयोग लगायतका विविध विषयमा सीप सिकाइने नगरपालिकाका रोजगार शाखा प्रमुख गणेश रेग्मीले जानकारी दिनुभयो ।
तालिममा वडा नम्बर २, ४, ६, ७ र ८ का ४० श्रमिकको सहभागिता रहेको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- खुले सरकारी विद्यालय
- आज सरकारको नीति तथा कार्यक्रम प्रस्तुत हुदै
- दुम्कीबासमा डाइभर्सन बगाउँदा पूर्वपश्चिम राजमार्ग अवरुद्ध
- विद्यालय कर्मचारी परिषदद्वारा आन्दोलनको घोषणा
- नीति तथा कार्यक्रमका लागि संसदमा पूर्वाभ्यास सम्पन्न
- केआइआइटीमा नेपाली छात्राको मृत्यु : परराष्ट्रले थाल्यो कूटनीतिक पहल
- मन्त्रिपरिषद् बैठक र राज्यमन्त्रीको शपथ स्थगित
- कोशी प्रदेशमा लगानीको प्रचुर सम्भावना छ : प्रधानमन्त्री
- शिक्षक महासंघले गरेको सम्झौतामा विद्यालय कर्मचारी परिषद्को असहमति
- रोजगारी वृद्धि गर्नेगरी नीति तथा कार्यक्रम ल्याउन देउवाको सुझाव