नेपालकैरन
चितवन । इच्छाकामना गाउँपालिकाले पर्यटन प्रवर्द्धनका लागि घरबास (होमस्टे) सञ्चालनमा जोड दिएको छ ।
स्थानीय समुदायको आयआर्जन वृद्धि गर्दै रोजगारीका अवसर सृजना गर्ने उद्देश्यले पालिकाले घरबास प्रवर्द्धन कार्यक्रम सञ्चालन गरिरहेको हो । इच्छाकामनाका पर्यटकीयस्थल र आसपासका गाउँमा घरबास सञ्चालनमा जोड दिइएको पालिका कार्यालयले जनाएको छ । ती घरबास सञ्चालनका लागि पालिकाले आर्थिक, प्राविधिकलगायत सहयोग गर्दै आएको गाउँपालिकाका अध्यक्ष दानबहादुर गुरूङले जानकारी दिनुभयो ।
पछिल्लो समय गाउँपालिकाको आर्थिक सहयोगमा वडा नम्बर २ घुर्केशस्थित पुरानो गुरूङ गाउँमा परम्परागत घरमा १४ वटा होमस्टे सञ्चालनमा आएका छन् । ती घरबास सञ्चालकको क्षमता विकासका लागि गत शुक्रबार र शनिबार दुई दिन मुलुकको पहिलो घरबास स्याङ्जाको आँधीखोला गाउँपालिका–१ स्थित सिरूबारीकोे भ्रमण गरिएको बताउँदै पूर्वाधार विकासका योजना बनाइने उहाँले उल्लेख गर्नुभयो ।
अध्यक्ष गुरूङका अनुसार घरबास सञ्चालकको क्षमता विकासका लागि अध्ययन भ्रमण गराइएको हो । उहाँले भन्नुभयो– ‘पर्यटकलाई कसरी स्वागत, सत्कार गर्ने र व्यवसायीक रूपमा घरबास सञ्चालन कसरी गर्न सकिन्छ भन्ने जानकारी होस् भन्ने उद्देश्यले सिरूबारीको अवलोकन भ्रमण गराइएको हो ।’ उहाँका अनुसार यसअघि घरबास सञ्चालकलाई तालिम दिइएको छ ।
दुई महिना अघिदेखि घुर्केश गाउँमा होमस्टे सञ्चालन गर्दै आउनुभएका माया गुरूङले यस भ्रमणबाट घरबासमा आउने पाहुनालाई स्वागत सत्कार कसरी गर्ने भन्ने विषयमा थप ज्ञान प्राप्त भएको बताउनुभयो । घरबास सञ्चालनसँगै घुर्केश गाउँमा पर्यटकको आगमन बढेको उहाँले विश्वास व्यक्त गर्नुभयो ।
पछिल्लो समय इच्छाकामनाका पर्यटकीयस्थलमा पर्यटकको आगमन बढेको छ । पर्यटकको आगमन बढेसँगै गाउँपालिकाले घरबास सञ्चालनमा जोड दिएको अध्यक्ष गुरूङले बताउनुभयो । इच्छाकामना गाउँपालिकामा जिल्लाको पुरानो सदरमुकाम रहेकाले यहाँका ऐतिहासिक किल्ला उपर्दाङ्गढी, सूर्योदय हेर्न सिराइचुली, ऐतिहासिक धार्मिकस्थल इच्छाकामना मन्दिर, बालगौरी पाथीभरासिंहदेवी माई मन्दिर, लामो झरना, त्रिशूली नदीमा ¥याफ्टिङ, हात्तीवाङ गाउँ, मायाटार, घुर्केशगाउँलगायत स्थान पर्यटकीयस्थलका रूपमा विकसित हुँदै गएका उहाँको भनाइ छ ।
उपर्दाङ्गढी, हात्तीवाङ, मायाटार घुर्केशलगायत गाउँका घरबास पर्यटकको रोजाइमा परेका छन् । यहाँ गुरूङ, मगर, सिमान्तकृत चेपाङ, गिरी, पुरी समुदायको घरबास सञ्चालनमा छन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु
- गभर्नरमा योग्यताका आधारमा क्षमतावान व्यक्ति नियुक्त हुन्छ : प्रधानमन्त्री
- पूर्वमन्त्री बस्नेतविरुद्ध भ्रष्टाचार मुद्दा : तीन अर्ब २१ करोड बिगो माग दाबी
- राष्ट्रपति पौडेलद्वारा बौद्ध स्तूपामा पूजा, आराधना
- लुम्बिनीमा शोभायात्रा, प्रधानमन्त्रीद्वारा औपचारिक कार्यक्रम उद्घाटन
- आज किराँत समुदायले उँभौली पर्व मनाउँदै