धनुषा । जनकपुरबाट उत्तर प्रदेशस्थित अयोध्या जाने भनिएको रेल यात्रा रद्द भएको छ । भारतले सुरक्षाको कारण देखाउँदै जाने अनुमति नदिएपछि रेल यात्रा रद्द भएको हो ।

अयोध्यामा नवनिर्मित राम मन्दिरको प्राण प्रतिष्ठाको जनकपुरबाट त्यसतर्फ यात्रुलाई रेलमा तयारी भइरहेको थियो ।   नेपाल रेल्वे कम्पनीका प्रबन्धक निरञ्जन झाले शनिबार बिहान सम्बन्धित निकायबाट स्वीकृति लिएर प्राण प्रतिष्ठामा जनकपुरबाट भारतीय २० बोगीको रेल जाने व्यवस्था मिलाएको जानकारी गराउनुभएको थियो । शनिबार दिउँसोदेखि टिकट बुकिङ समेत गरिएको थियो । रेल आज बिहान ६ बजे अयोध्या प्रस्थान गर्ने तयारी भइरहेको थियो ।  तर रेल्वे कम्पनीले अन्तिममा भारतले अनुमति नदिएकाले रेल सेवा रद्द भएको जानकारी गराएको छ । 

जनकपुर रेलवेका प्रमुख प्रशासन सहायक रञ्जित ठाकुरले भारतले सुरक्षाको कारण देखाउँदै अनुमति नदिँदा अयोध्या जाने रेल सेवा रद्द गरिएको जानकारी दिनुभएको छ ।