काठमाडौँ । केही दिनदेखि उकालो यात्रामा रहेको नेपाल स्टक एक्सचेञ्ज (नेप्से) परिसूचक बुधबार भने दोहोरो अंकले घटेको छ । 

नेप्से  १२ दशमलव १० अंकले घटेर २ हजार १ सय ६३ दशमलव ०६ विन्दुमा कायम भएको छ । बुधबार ३ सय कम्पनीको ३ करोड ३५ लाख २५ हजार ७ सय २ कित्ता शेयर,  २ लाख १० हजार ४ सय ७१ पटक खरिदबिक्री हुँदा ९ अर्ब ७६ करोड ८९ लाख ६९ हजार ८ सय ६८ रुपैयँँ बराबरको कारोबार भएको छ । 

बैंकिङ समूह शून्य दशमलव ४०, विकाश बैंक शून्य दशमलव १९, लघुवित्त शून्य दशमलव २८ र अन्य समूह एक दशमलव ९४ प्रतिशतले बढेको छ । अरु सबै समूहको उपसूचक घटेको छ । सबैभन्दा धेरै वित्त समूह तीन दशमलव ५१ र जलविद्युत समूह दुई दशमलव ८० प्रतिशतले घटेको छ । 

ग्लोबल आईएमइ लघुवित्त वित्तीय संस्था लिमिटेड र नेपाल वेयर हाउसिङ लिमिटेडको शेयर मूल्यमा सकारात्मक सर्किट लागेको छ । इस्टर्न हाइड्रोपावर लिमिटेड र भूगोल इनर्जी डेभलपमेन्ट कम्पनी लिमिटेडको शेयर मूल्यमा नकारात्मक सर्किट लागेको छ ।

कारोबार रकमका आधारमा सबैभन्दा धेरै हिमालयन रिइन्स्योरेन्स लिमिटेडको  ६५ करोड ८४ लाख ९० हजार २ सय ८५ रुपैयाँ बराबरको कारोबार भएको छ । कारोबार भएका शेयर सङ्ख्याका आधारमा भने सबैभन्दा धेरै एनआईबिएल ग्रोथ फन्डको १५ लाख २७ हजार ९ सय ५० किता शेयर कारोबार भएको छ ।