धनुषा । क्षिरेश्वरनाथ नगरपालिकामा एक पुरुष मृत  भेटिएका छन्  । उनकी पत्नी सख्त घाइते अवस्थामा फेला परेकी छन् ।

महोत्तरीको लोहारपट्टी नगरपालिका(३ महदैयाका राधे सहनी मृत भेटिएका हुन् । उनकी पत्नी अस्मिता सहनी घाइते अवस्थामा फेला परेको रहेको प्रहरी निरीक्षक दिपक कार्कीले जानकारी दिनुभएको छ ।  ।

प्रहरी निरीक्षक कार्कीका अनुसार धनुषाको क्षिरेश्वरनाथ नगरपालिका(३ पकडियास्थित गहुँ खेतमा सोमबार बिहान राधे मृत फेला परेका हुन् । घाइते पत्नीको प्रादेशिक अस्पताल जनकपुरमा उपचार भइरहेको छ ।

राधेको ससुराली घर क्षिरेश्वरनाथ नगरपालिका पकडिया हो । चार महिनाअघि मात्र राधे र अस्मिताले प्रेम विवाह गरी क्षिरेश्वरनाथ नगरपालिकास्थित महेन्द्रनगरमा डेरा गरी बस्दै आएका थिए ।

केही साथीसँगै ससुराली घर पकडियाबाट महेन्द्रनगर डेरामा रमाइलो गर्नुपर्छ भनेर पत्नीसहित राधे निस्केका थिए । राधेसँगै गएका दुई जना भने फरार भएका छन् । उनीहरूको खोजी भइरहेको प्रहरीले जनाएको छ ।