जनता रैका

कोहलपुर  । नेशनल प्याब्सन बाँकेले स्थापना दिवसको अवसरमा आश्रमका जेष्ठ नागरिक र बालबालिकालाई भोजन गराएको छ । 

नेशनल प्यान्सनले आफ्नो २६ औँ स्थापना दिवसको अवसरमा कोहलपुर नगरपालिका ५ मा अवस्थित निलसागर आश्रमका ३५ जना जेष्ठ नागरिक र बालबालिकालाई भोजन ग्रहण गराएको हो ।

सामाजिक दायित्व अन्तर्गत आश्रममा रहेका ज्येष्ठ नागरिक र बालवालिकालाई भोजन गराइएको नेशनल प्याब्सन बाँकेका अध्यक्ष किशोर राज मल्लले जानकारी दिनुभएको छ । स्थापना दिवसको अवसरमा नेशनल प्याब्सन आश्रमलाई आर्थिक सहयोग समेत गरेको  सचिव वेदप्रसाद चन्दले बताउनुभयो । 

कार्यक्रममा कोहलपुर नगरपालिकाको  सामाजिक विकास समिति संयोजक इश्वरी विकले नेशनल प्याब्सनले सह्रानीय कार्य गरेको उल्लेख गर्दै स्थापना दिवसको शुभकामना दिनुभयो । उहाँले  शिक्षा क्षेत्रमा गुणस्तर गर्न सामुदायिक र निजी विद्यालय लाग्नुपर्ने जोड दिनुभयो । 

कार्यक्रममा  निलसागरकी संयोजक अन्जु न्यौपानेलेले विभिन्न दाताको सहयोगबाट आश्रममा आश्रितहरुलाई राहत पुगेको उल्लेख गर्नुभयो ।