काठमाडौँ ।  झ्याउरे छन्दलय कविता लेखनकी अभियन्ता पत्रकार तथा साहित्यकार रेणुका भट्टराईको खण्डकाव्य ‘मञ्जरी’ को दोस्रो संस्करण कृति लोकार्पण तथा सिर्जना वाचन कार्यक्रम सम्पन्न भएको छ ।

काव्य घर नेपालको आयोजनामा साहित्य सदन नेपाल रामहिटी बौद्ध काठमार्डौमा भएको कार्यक्रममा प्रमुख अतिथि पूर्व कूलपति गंगाप्रसाद उप्रेतीसहितका श्रष्ठाहरुले भट्टराईको खण्डकाव्य ‘मञ्जरी’ लोकार्पण गर्नुभएको हो । 
 
स्रष्टा भट्टराईले २०५७ सालमामा रच्नुभएको  काव्यको पहिलो संस्करण २०६१ सालमा प्रकाशन भएको थियो ।  कृतिबारे प्रा डा देवी नेपाल र प्रा डा सीता भट्टराईले धारणा व्यक्त गर्नुभयो ।  कार्यक्रममा प्रा जगतप्रसाद उपाध्याय, प्रा डा हेमनाथ पौडेल, प्रा डा रामप्रसाद ज्ञवाली र अर्जुन ‘विरक्ति’ ले शुभकामना मन्तव्य व्यक्त गर्नुभयो । 

प्रमुख अतिथि पूर्व कूलपति उप्रेतीले भट्टराईको काव्यकृतिले समयसापेक्षाता बोकेको उल्लेख गर्नुभयो ।   श्रष्ठा भट्टराईले कृति रचना गर्भका बारेमा प्रकाश पार्दे सम्पूर्णलाई धन्यवाद दिनुभयो ।  

कार्यक्रममा लोकार्पित कृतिबाट जानुका भट्टराई,अधिकारी विमला,गंगा कर्माचार्य पौडेल र शान्ति पौडेलले सिर्जना वाचन गर्नुभएको थियो । त्यसअवसरमा स्रष्टा भट्टराईका पुत्र सुदृढ पोखरेलको जन्मदिन परेको अवसरमा शुभकामना समेत प्रदान गरिएको थियो ।  आयोजक संस्थाका अध्यक्ष राजकुमार खड्गाको अध्यक्षतामा सम्पन्न भएको कार्यक्रमा अतिथि जलेश्वरी श्रेष्ठ, गंगा लिगल लगायत विशिष्ट साहित्यकार तथा पत्रकारहरुको उल्लेख्य उपस्थिति रहेको थियो । 

कार्यक्रमलाई साहित्यकार तथा सञ्चारकर्मी राजन न्यौपानेको सञ्चालन र इन्दु पन्तले स्वागत मन्तव्य राख्नुभएको थियो ।