काठमाडौँ । सुरभि साहित्य प्रतिष्ठानले चार कथाकारलाई पुरस्कृत गर्ने भएको छ । 
 
सुरभि–अच्युतराम लघुकथा पुरस्कार नेपाल स्रष्टा समाजका अध्यक्ष एवम् लघुकथा समाज र ललितपुर कला संस्कृति प्रतिष्ठानका अध्यक्ष श्रीओम श्रेष्ठ ‘रोदन’,  सुरभि–प्रह्लाद नारी आख्यान पुरस्कार वरिष्ठ कथाकार हिरण्यकुमारी पाठकलाई प्रदान गर्ने निर्णय भएको प्रतिष्ठानका अध्यक्ष बाजुरामप्रसाद पौडेलले जानकारी दिनुभएको छ । 

अध्यक्ष  पौडेलका अनुसार  सुलेख आख्यान प्रतिभा पुरस्कार आख्यानकार विद्याप्रसाद घिमिरे र सुरभि–वेदमणि आख्यान प्रतिभा पुरस्कार आख्यानकार रामचन्द्र दाहाललाई प्रदान गरिने भएको छ । चारैजनालाई जनही  १० हजार रुपैयाँसहित पुरस्कृत गरिने छ । 

प्रतिभा छनौट समितिले पुरस्कारका लागि चारैजनाको नाम सिफारिस गरेको हो ।  समितिको संयोजकमा गोपी मैनाली र सदस्यद्वयमा ठाकुर शर्मा भण्डारी र सुरभि साहित्य प्रतिष्ठानका अध्यक्ष पौडेल रहनुभएको थियो । यही साउन १९ गते प्रतिष्ठानको १६औा साधारण–सभाका अवसरमा उक्त पुरस्कार प्रदान गरिने प्रतिष्ठानले जनाएको छ ।