नेपालकैरन
मोरङ। कोशी प्रदेश ट्रफी राष्ट्रिय टी–२० क्रिकेट प्रतियोगितामा नेपाल पुलिस क्लब र त्रिभुवन आर्मी क्लब आ–आफ्नो खेलमा विजयी भएका छन् ।
मोरङको विराटनगरस्थित बैजनाथपुर क्रिकेट रङ्गशालामा आज भएको पहिलो खेलमा पुलिस क्लबले लुम्बिनीलाई आठ विकेटले पराजित गरेको हो । पुलिसले बिहीबार बागमती प्रदेशविरुद्ध खेल्ने छ । यस्तै विभागीय टोली त्रिभुवन आर्मीसँग पराजित हुँदै अर्को विभागीय टोली एपिएफ क्लब प्रतियोगिताबाट बाहिरिएको छ ।
टस हारेर ब्याटिङ गरेको लुम्बिनीले निर्धारित २० ओभरमा पाँच विकेट गुमाएर एक सय ५१ रनको योगफल बनायो । लुम्बिनीका लागि मृनल गुरुङले ३८ बलमा ६ चौका प्रहार गरी ५० रन बनाए । कप्तान देव खनालले ३८ बलमा एक छक्का पाँच चौकासहित २९ रन तथा आकाश त्रिपाठीले ३४ रनको योगदान दिए । बलिङतर्फ पुलिसका कप्तान मञ्जित श्रेष्ठ र अभिषेक कार्कीले दुई दुई विकेट लिए ।
एक सय ५२ रनको लक्ष्य पछ्याएको पुलिसले १६ दशमलव पाँच ओभरमा दुई विकेट गुमाएर लक्ष्य पूरा ग¥यो । पुलिसका लागि प्लेयर अफ दी म्याच रोहन विकले ५० बलमा चार छक्का र सात चौका प्रहार गरी नटआउट ८० रन बनाए । अमित श्रेष्ठले ४९ रन बनाए । बलिङतर्फ लुम्बिनीका देव खनालले एक विकेट लिए ।
दोस्रो खेलमा त्रिभुवन आर्मीले एपिएफ क्लबलाई चार विकेटले पराजित ग¥यो । टस हारेर ब्याटिङ गरेको एपिएफले निर्धारित २० ओभरको खेलमा १९ दशमलव दुई ओभरमा सबै विकेट गुमाएर एक सय ३९ रन बनायो । एपिएफका लागि सुमित महर्जनले ३३ बलमा दुई छक्का र तीन चौका प्रहार गरी ३३ रन बनाए । कप्तान भुवन कार्कीले २५ रन र पुरन विकले २३ रनको योगदान दिए । बलिङतर्फ आर्मीका सुमित श्रेष्ठले तीन तथा तृतराज दासले दुई विकेट लिए ।
एक सय ४० रनको लक्ष्य आर्मीले १८ दशमलव तीन ओभरमा ६ विकेट गुमाएर पूरा ग¥यो । आर्मीका लागि प्लेयर अफ दी म्याच वसिर अहमदले ३९ बलमा दुई छक्का र तीन चौका प्रहार गरी नटआउट ४६ रन बनाए । सन्दीप रजालीले २६ र रमेश भट्टले २२ रन बनाए । बलिङतर्फ एपिएफका भुवन कार्की र यज्ञमान कुमालले दुई दुई विकेट लिए ।
बिहीबारको पहिलो खेल मधेस प्रदेश र एपिएफ क्लबबीच तथा दोस्रो खेल नेपाल पुलिस क्लब र बागमती प्रदेशबीच हुने मोरङ क्रिकेट सङ्घका अध्यक्ष महमद साद बाबु कुरैसीले जानकारी दिए ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- प्रतिनिधि सभाबाट दशरथ चन्द विश्वविद्यालय विधेयक पारित
- रवि लामिछानेको बन्दीप्रत्यक्षीकरण रिटमा आज सुनुवाइ हुँदै
- यूएईलाई हराउँदै नेपाल महिला विश्वकप छनोटको ग्लोबल क्वालिफायरमा
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति
- पानी पर्ने बादल सक्रिय, सतर्क रहन विभागको आग्रह
- २५ बुँदे ‘सगरमाथा कार्य आह्वान’ जारी गर्दै सगरमाथा संवाद सम्पन्न
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री