काठमाडौँ । आईसीसी क्रिकेट विश्वकप लिग–२ अन्तर्गतको जारी खेलमा नेपालले खराव शुरुवात गरेको छ । त्रिवि क्रिकेट मैदानमा टस हारेर ब्याटिङको निम्तो पाएको नेपालले नेदरल्यान्ड्सविरुद्ध निकै खराब ब्याटिङ गरिरहेको छ । 

पहिलो विकेटका लागि कुशल भुर्तेल र आसिफ शेखले ४२ रनको साझेदारी गरेका थिए । तर त्यपछि थप ८० रन जोड्दा नेपालले ७ विकेट गुमाएको छ । 

नेपालका ओपनर कुशल भुर्तेलले अर्धशतक पूरा गरे । भुर्तेलले ९२ वल खेल्दै ८ चौकाको मद्दतमा ६६ रन जोडे । त्यसबाहेक अन्य कुनै पनि व्याट्म्यानले गतिलो योगदान दिन सकेनन् । आसिफ शेख १७, अनिल साह ७, रोहितकुमार पौडेल १६, भीम सार्की शुन्य, कुशल मल्ल २ तथा दीपेन्द्र सिंह ऐरी १ रनमा आउट भए । 

कीर्तिपुरस्थित त्रिवि क्रिकेट मैदानमा टस हारेर ब्याटिङमा आएको नेपालले ३७ ओभर समाप्त हुँदा नेपालले ७ विकेट गुमाएर १२२ रन बनाएर खेलिरहेको छ । 

अहिले गुल्सन झा १ र आरिफ शेख ८ रन बनाएर क्रिजमा छन् । 

 यो पनि....

  कुशल भुर्तेलले पूरा गरे अर्धशतक