नेपालकैरन
काठमाडौँ । इन्डियन आइडलमा दिएको प्रस्तुतिले चर्चा र प्रशंसाको शिखरमा पुग्नुभएकी गायिका मेनुका पौडेलको लाइभ कन्सर्ट आगामी फागुन २७ गते नेपालगन्ज रङ्गशालामा हुने भएको छ ।
अन्तरालको आयोजना र व्यवस्थापनमा फागुन २४ देखि नेपालगन्ज रङ्गशालामा हुने नेपाल कल्चर फेस्टिभलकै अवसर पारेर सो विशेष कन्सर्ट गर्न लागिएको हो ।
अन्तरालका प्रमुख कार्यकारी जयनारायण शाहले यो विशेष कार्यक्रमलाई ‘लेट्स सिङ विथ मेनुका’, ‘मेनुकासँगै गाऔँ’ नाम दिइएको बताउनुभयो । उहाँले गायिका मेनुकाको उपस्थितिले यस क्षेत्रका किशोरकिशोरीलाई पनि प्रोत्साहित गरोस् भन्ने मुख्य उद्देश्य रहेको बताउनुभयो ।
प्रमुख कार्यकारी शाहका अनुसार दृष्टिविहीन भएर पनि साङ्गीतिक क्षेत्रमा मेनुकाको लगाव र सफलताले सबैको ध्यान तानेको थियो । नेपाल आइडलमा भाग लिएपछि मेनुका नेपालीमाझ चिनिनुभएको थियो । भारतीय गायन रियालिटी सो ‘सारेगमप’ मा समेत भाग लिएकी पौडेलको चर्चा त्यति बेला चुलियो, जब उहाँले इन्डियन आइडलमा भाग लिएर आफ्नो स्वरको जादु देखाउनुभयो ।
इन्डियल आइडलको प्रस्तुतिले उहाँलाई विश्वभर चिनाएको जनाउँदै प्रमुख कार्यकारी शाहले इन्डियन आइडलकै क्रममा उहाँले भारतीय चलचित्र ‘सलार’ मा गीत रेकर्ड गराएर बलिउड फिल्म इन्डस्ट्रीमा ‘डेब्यु’ समेत गर्नुभएको बताउनुभयो । वाद्यवादन टिमसहित मेनुकाको ‘लाइभ’ प्रस्तुति हुने जनाइएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- भारत - चीन सहमतिप्रति सांसदहरुले जनाए आपत्ति
- च्यासलले सदस्यता खोसे पनि एमालेमै संघर्ष गरिरहन्छु : पूर्वराष्ट्रपति भण्डारी
- शिक्षा विधेयक संसदीय समितिबाट पारित
- ओलीको राजनीतिक विचार मदन भण्डारी फाउण्डेशनसँग जोडिएको छ : ईश्वर पोखरेल
- जेलमा रविको अनुहार हेर्दै प्रचण्डले भने– कठै दुब्लाउनुभएछ
- उपसभामुखलाई हटाउने खेलबाट पछि हट्यो कांग्रेस, प्रस्ताव अघि नबढ्ने
- नाउपामा रञ्जिता बनिन् स्वघोषित दलको नेता, संसद्मा पठाइयो पत्र
- संसदमा बहुमत छ भन्दैमा जे पायो त्यही गर्न हुँदैन : गगन थापा
- एमालेमा मेरो सदस्यता कसैले खोस्न सक्दैन : पूर्वराष्ट्रपति भण्डारी
- गौर हत्याकाण्ड छानबिन गर्न आदेश