सुनसरी । इटहरी उपमहानगरपालिकाले जंगली हात्तीलाई रोक्न ६ फिट अग्लो पर्खाल लगाउने भएको छ । 

उपमहानगरपालिका क्षेत्रमा जङ्गली हात्तीको आक्रमण बढ्दै गएपछि ६ फिट अग्लो पर्खाल निर्माण थालिएको छ ।  दैनिक रुपमा आउने जङ्गली हात्तीको आक्रमणबाट स्थानीयवासी त्रसित तथा रातभर जाग्राम बस्न बाध्य भएपछि पर्खाल निर्माण शुरु गरेको इटहरी उपमहानगरपालिकाका प्रमुख हेमकर्ण पौडेलले जानकारी दिनुभएको छ । 

इटहरी– २ मा हात्तीको आक्रमणबाट एक जनाको मृत्यु हुनुका साथै दुईजना घाइते भएका छन् ।  हात्तीले स्थानीयवासीको घर भत्काउनुका साथै बालीनाली तथा अन्नमा क्षति गर्ने गरेको छ । स्थानीयलाई तत्काल हात्तीको आक्रमणबाट जोगाउन साइरन जडान, लाइट व्यवस्थापन गरी सबैभन्दा बढी हात्ती प्रभावित इटहरी–२ मा पूर्व ६ फिट अग्लो पर्खाल बनाउन शुरु गरेको उहाँले जानकारी दिनुभयो ।