काठमाडौँ । आकर्षक तलबको प्रलोभन देखाएर विभिन्न देश पठाइदिन्छु भन्दै रकम ठगी गरेको आरोपमा प्रहरीले ४ जनालाई  पक्राउ गरेको छ । 

प्रहरीले वैदेशिक प्रलोभन देखाएर ठगी गर्ने  सल्ल्यानको छत्रेश्वरी गाउँपालिका–६का सुनिल दसौदी, काभ्रेपलाञ्चोकको पाँचखाल नगरपालिका–५ का स्थायी बासिन्दा विकास दवाडी, गोरखा शहीदलखन गाउँपालिका–७ घर भएका सुरेन्द्र विक र काठमाडौँको गोकर्णेश्वर नगरपालिका–८ निवासी २४ वर्षीया विशाखा पौडेललाई प्रकाउ गरेको हो ।   

दसौदीले सर्विया पठाइदिन्छु भन्दै  २२ लाख ३८ हजार , दवाडीले जापान पठाइदिने भनेर २ जनाबाट  लाख,  विकले सुरेन्द्रले अमेरिका पठाइने वहानामा  ९७ लाख ५४ हजार  र पौडेलले कुवेत पठाइदिन्छु भन्दै एक लाख ६० हजार रुपैयाँ ठगेको पाइएको प्रहरीले जनाएको छ । 

पक्राउ परका उनीहरु मध्ये दवाडी, पौडेल र दसौदीलाई वैदेशिक रोजगार विभाग तथा विकलाई जिल्ला प्रहरी परिसर काठमाडौँ पठाइएको छ ।