काठमाडौंँ । पशुपति क्षेत्र विकास कोषका नवनियुक्त कार्यकारी निर्देशक लक्ष्मी पुनले काम गर्न नपाउनु हुने भएको छ  । 

कोषकी नवनियुक्त कार्यकारी निर्देशक पुनलाई अदालतले काम गर्न रोक लगाएको छ ।  उच्च अदालत पाटनले कोषकी नवनियुक्त कार्यकारी निर्देशक पुनलाई कामकाज नगर्न र नगराउन अन्तरिम आदेश दिएको छ  ।  न्यायाधीश ऋषिराम दवाडी र श्यामकुमार भट्टराईको इजलासले पुनको नियुक्ति  कार्यान्वयन नगर्न अन्तरिम आदेश दिएको हो । 

पशुपति क्षेत्र भरत मरासिनीले कोषको कार्यकारी निर्देशकमा योग्यता र मापदण्ड नपुगेको व्यक्तिलाई नियुक्त गरिएको भन्दै २६ पुस १६ गते उच्च अदालतमा रिट निवेदन दर्ता गर्नूभएको थियो । उच्च अदालतले मरासिनीको रिट सुनुवाइ गर्दै कोषकी नवनियुक्त कार्यकारी निर्देशक पुनलाई  कामकाज नगर्न र नगराउन अन्तरिम आदेश जारी गरेको हो ।

संचार क्षेत्रकी पुनलाई नेकपा माओवादी केन्द्रको योजना अनुसार पुस ४ गते पशुपति क्षेत्र विकास कोषको सञ्चालक परिषदले  कार्यकारी निर्देशक नियुक्त गरेको थियो ।