काठमाडौँ । नेपाल आयल निगमले पेट्रोल, डिजल र मट्टितेलको मूल्य प्रतिलिटर १ रुपैयाले घटाएको छ । इन्डियन आयल कर्पोरेशनबाट आज प्राप्त नयाँ खरिद मूल्यअनुसार पेट्रोल प्रतिलिटर  १ रुपैयाँ २६ र डिजल प्रतिलिटर ८३ पैसाले घटेर आएकाले निगम सञ्चालक समितिले आज राति १२ बजेपछि लागू हुने गरी पेट्रोल, डिजल र मट्टितेलको मूल्य घटाएको हो । 

निगमका अनुसार चारआली, बिराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जका लागि पेट्रोलको मूल्य प्रतिलिटर १ सय ६३ रुपैयाँ ५० पैसा, डिजल र मट्टितेल १ सय ४३ रुपैयाँ ५० पैसा कायम भएको छ ।

सुर्खेत र दाङका लागि पेट्रोल प्रतिलिटर रु १ सय ६५, डिजल र मट्टितेल प्रतिलिटर १ सय ५५ कायम भएका भएको छ । काठमाडौँ, पोखरा र दीपायलका लागि पेट्रोल प्रतिलिटर रु १ सय ६६, डिजल र मट्टितेल रु १ सय ५६ कायम भएको छ ।