भैरहवा । नेकपा (एकीकृत समाजवादी)का महासचिव घनश्याम भुसालले  राजनीतिमा सुशासन र रोजगारी नभए मुलुक वर्वादीको दिशातर्फ अघि बढ्ने बताउनु भएको छ । 

शनिवार भैरहवामा आयोजना भएको नेकपा एकीकृत समाजवादी पार्टी सिद्धार्थनगर नगरकमिटीको प्रथम अधिवेशनमा बोल्दै नेता भुसालले राजनिती भनेकै अरुको लागि काम गर्नको लागि कसम खाने भएको बताउदै राजनितीमा गलत प्रवृत्ति मौलाएका कारण मुलुकले दुःख पाएको बताउनु भयो । 
 
महासचिव भुसालले गलत कुरा सँग सम्झौता नगरी, झुठो नबोली र लोभलालचमा नपरी अनुसासित भएर राजनीति गर्न जरुरी भएको धारणा राख्नु भयो । 
 
नेकपा एकीकृत समाजवादी पार्टीको केन्द्रीय सदस्य तथा लुम्बिनी प्रदेशसभा सदस्य भगवती घिमिरेले युवाहरु समाजवाद निर्माणको लागि गम्भीर भएर अघि बढ्नुपर्ने बिचार व्यक्त गर्नुभयो । 

नगर अधिवेशनमा करिव ५० जना युवा पार्टी प्रवेश गरेका थिए । अधिवेशनले सारदुल मयुर कसौधनको नेतृत्वमा ३५ सदस्यीय नगर कमिटी गठन गरेको छ ।