काठमाडौँ । नेपाल क्रिकेट संघ (क्यान)ले यहि मंगबारदेखि हुने नेपाल, नामिबिया र नेदरल्यान्ड्सबीचको टी-२० सिरिजका लागि राष्ट्रिय टिमको घोषणा गरेको छ।

रोहित पौडेलको कप्तानीमा १८ सदस्यीय टोली घोषणा भएको हो । विश्वकप छनोट खेलेको टोली बाहेक विनोद भण्डारी, प्रतिश जिसी, बिबेक यादव, रशिद खान, सागर ढकाल र अभिनास बोहरा टिममा समावेस भएका छन् । राशीद र सागरले नेपाल ए बाट क्यानडाबिरुद्ध खेलेका थिए । पिएम कपमा चोट बोकेका अभिनाश बोहोरा टोलीमा फर्केका छन् ।

ओडीआई टोलीमा नरहेका अभिनाश, विनोद, सन्दीप, विवेक, प्रतिश, राशीद र सागर पनि टि २० टोलीमा समावेश छन् । एकदिवसीय टिममा रहेका पवन सर्राफ, सूर्य तामाङ, भीम सार्की र देव खनाल टिममा छैनन्। 

सिरिजमा पहिलो खेल नेपाल र नामिबियाबीच मंगलबार हुनेछ। बुधबार नेपाल र नेदरल्यान्ड्स भिड्नेछन्। यस्तै नेपालले नामिबियासँग शुक्रबार र शनिबार नेदरल्यान्ड्ससँग फेरि खेल्नेछ। फाइनल फागुन २२ गते मंगलबार हुनेछ।