काठमाडौंँ। पछिल्लो राजनीतिक घटनाक्रम बारेमा छलफल गर्न सत्तारुढ दल नेपाली कांग्रेसले आजको लागि तय गरेको कार्यसम्पादन समितिको बैठक सरेको छ ।

कार्यसम्पादन समितिको बैठक भोलि (आइतबार)को लागि सारिएको कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिनुभएको छ ।  मुख्य सचिव पौडेलका अनुसार पार्टी केन्द्रीय कार्यालय सानेपामा आइतबार दिउँसो १ बजे शुरु हुनेछ ।  कांग्रेसले राष्ट्रियसभा सदस्यको निर्वाचन र पछिल्लो राजनीतिक घटनाक्रम बारेमा छलफल गर्न  कार्यसम्पादन समितिको  बैठक डाकेको हो । 
 
राष्ट्रियसभा निर्वाचन माघ ११ गते हुँदैछ। निर्वाचन नजिकिए पनि सत्ता गठबन्धनले भागबन्डा टुंग्याइसकेको छैन । राष्ट्रियसभामा  एमालेले भने (१९) सबै सिटमा उम्मेदवार दिने  निणय गरिसकेको छ । नेकपा एकीकृत समाजवादीको निर्वाचनबारे छलफल र निर्णय गर्न आज केन्द्रीय सचिवालय बैठक बसिरहेको छ ।