चितवन ।  सङ्घीय सरकारले जिल्लाका लागि विनियोजन गरेको पुँजीगत रकममध्ये ७३ दशमलव ८२ प्रतिशत मात्रै खर्च भएको छ । जिल्लाको भौतिक पूर्वाधारका लागि विनियोजन गरिएको  ४ अर्ब ४१ करोड ६९ लाख ५३ हजार ६ सय २४ रुपैयाँ खर्च भएको हो ।

सङ्घबाट पुँजीगत खर्चका लागि ५ अर्ब ९८ करोड ३२ लाख ३५ हजार ७ सय ८० रुपैयाँ विनियोजन भएकामा ७३ दशमलव ८२ प्रतिशत खर्च भएको जिल्लास्थित कोष तथा लेखा नियन्त्रण कार्यालयका प्रमुख एकनारायण शर्माले जानकारी दिनुभयो । उहाँका अनुसार सङ्घीय सरकारले विनियोजन गरेको चालुतर्फ ९१ दशमलव ६४ प्रतिशत खर्च भएको छ । 

चालु खर्चका लागि विनियोजित रकम  १२ अर्ब ९० करोड ३२ लाख ९८ हजार ३ सय १३ मध्ये  ११ अर्ब ८२ करोड ३६ लाख ६० हजार ३० रुपैयाँ खर्च भएको शर्माले बताउनुभयो । उहाँका अनुसार जिल्लामा सङ्घीय सरकारबाट प्राप्त  १८ खर्ब ८८ करोड ५६ लाख ३४ हजार ९३ मध्ये  १६ अर्ब २४ करोड ६ लाख १३ हजार ६ सय ५४ रुपैयाँ खर्च भएको छ । विनियोजित कूल बजेटको ८५ दशमलव ९९ प्रतिशत खर्च भएको उहाँले जानकारी दिनुभयो ।
 
प्रदेश सरकारबाट प्राप्त बजेटमध्ये ७३ दशमलव ६५ प्रतिशत मात्र खर्च भएको छ । लेखा नियन्त्रण कार्यालयका प्रमुख शर्माका अनुसार प्रदेश सरकारबाट प्राप्त चालु खर्चतर्फको ७८ दशमलव ३६ प्रतिशत र पूँजीगततर्फ ७५ दशमलव ८३ प्रतिशत खर्च भएको छ । प्रदेश सरकारले चालुतर्फ  एक अर्ब ६१ करोड ९४ लाख ३० हजार  ४ सय ८७ रुपैयाँ विनियोजन गरेको थियो ।

पुँजीगततर्फ ३  अर्ब ३६ करोड १९ लाख २८ हजार विनियोजन भएकामा २ अर्ब ४५ करोड ९२ लाख ३१ हजार ७  सय १० रुपैयाँ खर्च भएको शर्माले जानकारी दिनुभएको छ । जिल्लामा प्रदेशबाट ४ अर्ब ९८ करोड १३ लाख ५८ हजार ४  सय ८७ विनियोजित भएकामा ३ अर्ब ८१ करोड ८१ लाख ६९ हजार ६ सय २५रुपैयाँ खर्च भएको छ । 

जिल्लाको समग्र विकासका कार्यले केही गति लिएकाले गत आर्थिक वर्षको तुलनामा चालु आवमा पुँजीगततर्फको खर्च बढेको उहाँले जानकारी दिनुभयो ।