कैलाली  । कैलालीको चुरे गाउँपालिकाले चालु आर्थिक वर्ष २०८०८१ मा एक सय १२ किसानलाई खरी जातका बाख्रा वितरण गरेको छ । 

गाउँपालिकाले न्यून आयस्रोत भएका विपन्न, गरिब, असहाय र बाढीपीडित परिवारलाई प्राथामिकतामा राखेर बाख्रा वितरण गरेको हो । चुरे गाउँपालिकाको पशु सेवा शाखाका प्रमुख धर्मराज भट्टका अनुसार चुरे–३ मा ५०, वडा नम्बर ४ मा १४, वडा नम्बर ५ मा १२, वडा नम्बर ६ मा २६ र वडा नम्बर ३ मा १० परिवारलाई बाख्रा वितरण गरिएको छ । 

पचहत्तर प्रतिशत गाउँपालिका र २५ प्रतिशत किसान स्वयंले व्यहोर्ने गरी प्रत्येक परिवारलाई अनुदानमा एक÷एक लवटा बाख्रा वितरण गरिएको हो । ‘विदेश जानुभन्दा गाउँमै पशुपालन र कृषि क्षेत्रमा लाग्न अभिप्रेरित गर्न किसान लक्षित अनुदानका कार्यक्रम वर्षेनी बढाउँदै लगिने छ’ उहाँले भन्नुभयो । 

यसैगरी चुरे–५ मा प्रदेश सरकारको ५० प्रतिशत सशर्त अनुदानबाट  पाँच लाख रुपैयाँको लागतमा खोर सुधार कार्यक्रम अन्तर्गत खोर निर्माण गरिएको छ । गाउँपालिकाको ७५ प्रतिशत अनुदानमा ८ लाख रुपैयाँमा १६ बाख्रा नुहाउने ट्याङ्की निर्माण गरिनुका साथै र ८ लाख रुपैयाँमा बोकालाई खसी बनाउने मेसिन किसानलाई वितरण गरेको पशु शाखाले जनाएको छ ।