काठमाडौं । नेपाल सुपर लिग (एनएसएल–२०२३) मा आज वीरगञ्ज युनाइटेड र ललितपुर सिटी एफसी भिड्दैछन् । वीरगञ्ज र ललितपुरबीचको प्रतिस्पर्धा साँझ ५ बजे त्रिपुरेश्वरस्थित दशरथ रंगशालमा हुनेछ ।

सुपर लिगमा वीरगञ्जको यो तेस्रो खेल हो । ललितपुर चौथो पटक खेल्दैछ ।  तलितपुर एक जित र दुई बराबरीबाट ५ अंकसहित दोस्रो स्थानमा छ । आजको खेलमा विजयी हासिल गरे ललितपुर शीर्ष स्थानमा उक्लने छ । लिगमा अहिलेसम्मका ३ खेलबाट ७ अंकसहित धनगढी शीर्ष स्थानमा छ । लिगमा ललितपुरबाट अनन्त तामाङ कप्तान तथा मार्की छन् । ललितपुरले पहिलो खेलमा बुटवल लुम्बिनीलाई सजिलै हराएको थियो । त्यसपछि भने पोखरा थण्डर्स र धनगढी एफसीसँग गोलरहित बराबरीमा चित्त बुझाउनु पर्यो । 

वीरगञ्जले भने लिगमा अहिलेसम्म जित हात पार्न सकेको छैन ।  बीरगंज जित आत पार्ने प्रयत्नमा छ । गोलकिपर दीप कार्की मार्की तथा कप्तान रहेको वीरगञ्जले यसअघि खेलेका दुवै खेलमा हार बेहोर्नु पर्यो ।   वीरगञ्ज युनाइटेड यसअघि धनगढी एफसी र एफसी चितवनसँग समान २, १ ले पराजित भएको थियो ।