वीरगञ्ज । आर्थिक मन्दीका कारण पर्सामा १ सय ७७ उद्योग बन्द भएका छन् । घरेलु तथा साना उद्योग कार्यायलका अनुसार आर्थिक वर्ष २०७९/८० मा १ सय ७७ उद्योगले लगत कट्टा गराएका छन् । 

आव २०७८/७९ मा पर्सामा १ सय ५२  उद्योगले  लगत कट्टा गरिएका थिए ।   बैंक तथा वित्तीय संस्थाबाट ऋण लगानी नहुनु, पुँजीको अभावलगायत कारणले उद्योगहरुको धमाधम बन्द भएका घरेलु तथा साना उद्योग कार्यालय प्रमुख धनञ्जयकुमार सिंहले बताउनुभयो ।

घरेलु तथा साना उद्योग कार्यालयमा  आर्थिक वर्ष २०७९/८० मा एक हजार ८९ नयाँ उद्योग दर्ता भएका थिएभने आव २०७८/८९ मा १ हजार ४ सय ८० उद्योग दर्ता भएका थिए । आव २०७९/८० मा १ हजार २ सय ७५ उद्योगको नवीकरण, १ सय ६५ वटाको पूँजीवृद्धि, ३३ वटाको ठाउँसारी र ८४ वटाको नामसारी भएको छ । 

आर्थिक वर्ष २०७९/८० मा १ करोड ६ लाख ३९ हजार २ सय ५० रुपैयाँ  राजस्व सङ्कलन भएको थियो । त्यो आवमा ४ हजार ४ सय ६० जनाले रोजगारी पाएको प्रमुख सिंहले  बताउनुभयो ।