नेपालकैरन
काठमाडौँ । आइसीसी यू–१९ विश्वकप क्रिकेट अन्तर्गत सुपर सिक्सको अन्तिम खेलमा भारतले नेपाललाई २९८ रनको विशाल लक्ष्य दिएको छ । दक्षिण अफ्रिकाको माङ्गाउङ ओभलमा टस जितेर पहिला ब्याटिङ गरेको भारतले निर्धारित ५० ओभरमा ५ विकेट गुमाउँदै २९७ रन बनाएको हो ।
भारतका सचिन दाश र उदय सहारानको शतकिय पारीको मद्दतमा भारतले नेपालसामु विशाल लक्ष्य पेश गरेको हो । दाशले आक्रामक शतकिय पारी खेलेका थिए । उनले १०१ बलमा ११६ रन जोडेका थिए । उनलाई गुल्सन झाले दीपक डुम्म्रेबाट म्याच गराएका थिए । यस्तै भारतीय कप्तान उदय सहारानले १०७ बलमा १०० रन जोडेका थिए । उनलाई पनि गुल्शन झाले नै आउट गराएका थिए । दाश र सहारानले चौथो विकेटका लागि २१५ रनको कीर्तिमानी साझेदारी गरेका थिए ।
नेपालका गुल्सन झाले १० ओभरमा ५६ रन खर्चेर ३ विकेट लिए । आकाश चन्दले ९ ओभरमा ६५ रन खर्चेर १ विकेट लिए ।
भारतको खातामा २६ रन हुँदा गुल्शन झाले नेपालका लागि पहिलो विकेट लिएका थिए । त्यसपछि ६१ को अबस्थामा दीपक डुम्म्रेको पासमा आकाश चन्दले दोस्रो विकेटलाई रन आउट गराएका थिए भने ६२ रनको अवस्थामा आकाश चन्दले नै तेस्रो विकेट लिएर राम्रो शुरुवात गरेका थिए । तर चौथो विकेटका लागि सचिन दाश र उदय सहारानको जोडिले २१५ रनको कीर्तिमानि साझेदारी गर्दै नेपालसामू विशाल लक्ष्य पेश गरेको हो ।
२९८ रनको लक्ष्य पछ्याउदै अहिले नेपाल व्याङिमा उत्रिएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- राष्ट्रपति पौडेलद्वारा बौद्ध स्तूपामा पूजा, आराधना
- लुम्बिनीमा शोभायात्रा, प्रधानमन्त्रीद्वारा औपचारिक कार्यक्रम उद्घाटन
- आज किराँत समुदायले उँभौली पर्व मनाउँदै
- आज २५६९ औं बुद्ध जयन्ती मनाइँदै
- यी हुन् राजसंस्था पुन:स्थापना संयुक्त जनआन्दोलन समितिको बैठक निर्णयहरु
- गृहमन्त्रीको साथी बनेर कर्मचारीलाई धम्काउने पक्राउ
- प्रतिनिधिसभाबाट नीति तथा कार्यक्रम पारित
- वैशाख २८ मा प्रधानमन्त्रीले राष्ट्रियसभामा सम्बोधन गर्ने
- पूर्वमन्त्री प्रदीप नेपालको निधन
- खुले सरकारी विद्यालय