कञ्चनपुर ।  नेपाली चलचित्रमा खलनायकको भूमिका निभाउनुभएका कलाकार तेजा ऐरको  निधन भएको छ । 

उहाँको शुक्लाफाँटा नगरपालिका–१० झलारीस्थित आफ्नै निवासमा ५६ वर्षको उमेरमा शनिबार निधन भएको तेजाका भाई डबलबहादुरले जानकारी दिनुभयो । 

कलाकार ऐर दुई वर्षदेखि पक्षघात र मिर्गौलासम्बन्धी समस्याबाट पीडित हुनुहुन्थ्यो । तीन दशकदेखि सानाठूला नेपाली चलचित्रमा ऐरले खलनायकको भूमिकामा अभिनय गर्दै आउनुभएको थियो । थारू भाषाको  चलचित्र ‘मोर बस्ती’बाट यस क्षेत्रमा डेब्यु गर्नुभएका ऐरले थारू, नेपाली र  भोजपुरी भाषाका झण्डै एक सय चलचित्रमा खलनालयको भूमिका निर्वाह गर्नुभएको थियो ।
 
ऐरले सत्या, हिरासत, विजयपथ, विरासत, हिम्मतवाली, जय परशुराम, रामजाने, कमाण्डर लगायत चलचित्रमा अभियन गर्नुभएको थियो । विभिन्न टेलिफिल्म र म्युजिक भिडियोमा समेत उहाँले अभिनय गर्नुभएको छ।