खोटाङ ।  रावाबेँसी गाउँपालिका–२ खार्पास्थित प्रहरी चौकी स्थापनाको १२ वर्षपछि आफ्नै भवन निर्माण गरिएको छ । 

दुई करोड ९५ लाख ३२ हजार रुपैयाँ लागतमा भवन निर्माण गरिएको हो ।  विसं २०६९ सालमा स्थापना भएको खार्पा प्रहरी चौकीले अघि साविक खार्पा गाउँ विकास समिति  (गाविस) कै पुरानो भवनबाट सेवा प्रदान गर्दै आएको थियो । स्थापनाको १२ वर्षसम्म साँघुरो तथा कच्ची भवनबाट सेवा प्रवाह गर्दै आएको छ ।

 नवनिर्मित भवनमा साना ठूलो गरी ११  कोठा छन् । साढे दुईतले भवनमा कार्यालय प्रमुख कक्ष, सञ्चार कक्ष, महिला तथा पुरुष हिरासत कक्ष, महिला र पुरुष ब्यारेक, प्रमुख आवाश तथा मरोजञ्जन हल निर्माण गरिएको छ । 

कोशी प्रदेश प्रहरी प्रमुख, प्रहरी नायव महानिरीक्षक राजन अधिकारीले आइतबार  भवनको उद्घाटन गर्नुभएको हो । सुविधासम्पन्न भौतिक संरचनाले प्रहरीलाई सेवा प्रवाह गर्न मनोबल बढ्ने उहाँको भनाइ छ ।