काठमाडौँ ।  शेयर बजारमा आज पनि कमी आएको छ । साता कारोबारको लगातार पाचौँ दिन आज पनि नेपाल स्टक एक्सचेञ्ज (नेप्से) परिसूचकमा कमी आएको हो । 

नेप्से परिसूचक बिहीबार १२ दशमलव ८४ अंकले घटेर २ हजार ६ सय ६९ दशमलव ३१ को विन्दुमा कायम भएको छ । आज ३ सय १२ कम्पनीको ९५ लाख ९९ हजार ३  सय ४३ कित्ता शेयर, ५५ हजार  ४ सय ७६ पटक खरिद बिक्री हुँदा ४ अर्ब ५६ करोड १३ लाख ११ हजार २ सय ८२ रुपैयाँको कारोबार भएको हो । 

आज ६२ कम्पनीको मूल्य बढ्दा १ सय ७५ को घटेको छ भने सात कम्पनीको शेयर मूल्य स्थिर छ । आज व्यापार समूहको उपसूचक शून्य दशमलव २६ प्रतिशत बढेको छ ।  

आजको कारोबारमा मिथिला लघुवित्त वित्तीय संस्था लिमिटेड र भूगोल इनर्जी डेभलपमेन्ट कम्पनीको शेयर मूल्यमा नकारात्मक सर्किट लागेको छ । 

आजको कारोबारमा डोल्टी पावर कम्पनी लिमिटेडको शेयर मूल्य सबैभन्दा बढी ६ दशमलव ९० प्रतिशतले बढेको छ ।