काठमाडौँ । नेपाल स्टक एक्सचेञ्ज (नेप्से) परिसूचक गएको सातादेखि  घटेको घट्यै छ । 

परिसूचक सोमबार पनि दोहोरो अंकले घटेको छ ।  परिसूचक आज १० दशमलव १४ अंकले घटेर २ हजार ७ सय ४ दशमलव ७० को विन्दुमा कायम भएको हो ।

आज ३ सय ३१ कम्पनीको ९९ लाख ३५ हजार ८ सय ७२ कित्ता शेयर, ५७ हजार ५ सय ८५ पटक खरिदबिक्री हुँदा ५ अर्ब ४० करोड ८३ लाख १४ हजार रुपैयाँ बराबरको कारोबार भएको हो ।

आजको कारोबारमा वित्त समूह शून्य दशमलव १२, होटल तथा पर्यटन शून्य दशमलव १८, लगानी शून्य दशमलव १८  र उत्पादन तथा प्रशोधन समूह शून्य दशमलव ४४ प्रतिशतले बढेको छ, भने अरु सबै समूहको उपसूचक घटेको छ । बैंकिङ शून्य दशमलव २१, विकास बैंक शून्य दशमलव ९२, जलविद्युत् शून्य दशमलव २३, जीवन बिमा शून्य दशमलव ५१, लघुवित्त शून्य दशमलव ०१, निर्जीवन बीमा शून्य दशमलव ०२, व्यापार ३ दशमलव ३८ र अन्य समूह शून्य दशमलव ५६ प्रतिशतले घटेको छ ।

आजको कारोबारमा राप्ती हाईड्रो एन्ड जनरल कन्स्ट्रक्सन लिमिटेडको शेयर मूल्य सबैभन्दा धेरै नौ दशमलव ८६ प्रतिशतले बढेको छ । सबैभन्दा धेरै घट्नेमा भने महालक्ष्मी विकास बैंक लिमिटेडको शेयर मूल्य पाँच दशमलव ६३ प्रतिशलते घटेको छ ।

रकमका आधारमा आज सबैभन्दा धेरै हिमालयन इन्सुरेस्स लिमिटेडको  ४३ करोड ९३ लाख ६८ हजार २ सय १० रुपैयाँको कारोबार भएको छ । 

कारोबार सङ्ख्याका आधारमा भने सबैभन्दा धेरै घलेम्दी हाईड्रो लिमिटेडको पाँच लाख ५३ हजार आठ सय चार कित्ता शेयर किनबेच भएको छ ।