नेपालकैरन
स्याङ्जा । वैदेशिक रोजगारीमा रहेकाहरुको सहयोगमा पुतलीबजार नगरपालिका ११ स्थित विश्वशान्ति आधारभूत विद्यालयलाई कम्प्युटर प्रदान गरिएको छ।
‘प्रदेशीको हातेमालो ग्रामीण शिक्षामा उज्यालो’ भन्ने मूल नाराका साथ शैक्षिक गुणस्तर अभिवृद्धि गर्ने उदेश्यले विद्यालयलाई एक थान कम्प्युटर प्रदान गरिएको हो। स्याङ्जा परिवार किम्हे , वुसान दक्षिण कोरियाका निवर्तमान अध्यक्ष जिवलाल काफ्लेको प्रतिनिधित्वमा विद्यालयलाई कम्प्युटर प्रदान गरिएको हो।
स्याङ्जा परिवार किम्हे ,वुसानका अध्यक्ष आशिष रानाभाट तथा कार्यक्रम संयोजक कमल अर्यालको सक्रियतामा सहयोग प्राप्त भएकोमा विद्यालयका प्रधानाध्यापक माधव रेग्मी खुशी व्यक्त गर्नु भएको छ
पुतलीबजारका नगरप्रमुख तुलसी रेग्मीले सामुदायिक विद्यालयमा विद्यार्थीको आकर्षक घट्दै गइरहेकोमा शैक्षिक गुणस्तर अभिवृद्धिका लागि प्रदान गरिएको सहयोग उल्लेखनीय रहेको बताउनु भयो। उहाँले सामुदायिक विद्यालयमा विधार्थी आकर्षण बढाउन संघीय सरकारले दिने खाजामा पनि नगरपालिकाले थप रकम सहयोग गरेको उल्लेख गर्नुभयो।
कार्यक्रममा वडा नम्बर ११ को तर्फबाट विद्यार्थीलाई स्टेशरी सामाग्री, न्यानो कपडा र झोला बितरण गरिएको छ। अल्पसंख्यक , जनजाति र निम्नस्तरका परिवारका विद्यार्थी अध्ययन गर्ने भएकोले नै उनीहरुलाई आकर्षण गर्न प्रत्येक वर्ष यस्ता सामाग्री प्रदान गर्दै आएको वडा अध्यक्ष मनोज पौडेलले जानकारी गराउनुभयो।
‘प्रदेशमा दु:ख गरी बचाएको रकम शैक्षिक सुधारका कार्यक्रमा सहयोग गरेकोमा सार्है खुशी लाग्यो’ वडासदस्य अशोक कुमार रेग्मीले भन्नुभयो। – कृष्ष्णबन्धु अर्यालबाट
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु
- गभर्नरमा योग्यताका आधारमा क्षमतावान व्यक्ति नियुक्त हुन्छ : प्रधानमन्त्री
- पूर्वमन्त्री बस्नेतविरुद्ध भ्रष्टाचार मुद्दा : तीन अर्ब २१ करोड बिगो माग दाबी
- राष्ट्रपति पौडेलद्वारा बौद्ध स्तूपामा पूजा, आराधना
- लुम्बिनीमा शोभायात्रा, प्रधानमन्त्रीद्वारा औपचारिक कार्यक्रम उद्घाटन
- आज किराँत समुदायले उँभौली पर्व मनाउँदै
- आज २५६९ औं बुद्ध जयन्ती मनाइँदै
- यी हुन् राजसंस्था पुन:स्थापना संयुक्त जनआन्दोलन समितिको बैठक निर्णयहरु