काठमाडौँ । नेपाल स्टक एक्सचेञ्ज (नेप्से) फेरि दोहोरो अंकले घटेको छ ।  साताको पहिलो कारोबारको दिन आइतबार परिसूचक २६ दशमलव ३६ अंकले कम देखिएको छ ।  नेप्से परिसूचक १ दशमलव २८ प्रतिशतले घटेर दुई हजार २२ दशमलव ९२ को विन्दुमा कायम भएको हो ।

आइतबार ३ सय चार कम्पनीको १ करोड ५२ लाख ६८ हजार ३ सय ९९ कित्ता शेयर ९८ हजार ६ सय ३२ पटक खरिदबिक्री हुँदा ५ अर्ब २४ करोड १४ लाख ८ हजार ३ सय ७९ रुपैयाँ बराबरको कारोबार भएको छ । 

जलविद्युत् समूहको उपसूचक १ दशमलव ३प्रतिशतले बढ्दा अरु सबै समूहको उपसूचक घटेका छन् । सबैभन्दा धेरै जीवन बीमा समूह २ दशमलव ४० र व्यापार समूह २ दशमलव १४ प्रतिशतले घटेका हुन् । आइतबारको कारोबारमा तेह्रथुम पावर कम्पनी लिमिटेडको शेयर मूल्यमा सकारात्मक सर्किट लागको छ । 

सबैभन्दा धेरै गुमाउनेमा भने मानुषी लघुवित्त वित्तीय संस्था लिमिटेडको शेयर मूल्य ६ दशमलव ६९ प्रतिशतले घटेको छ । कारोबार रकम र कारोबार भएका शेयर सङ्ख्याका आधारमा सबैभन्दा धेरै सोनापुर मिनरल्स एन्ड आयल लिमिटेडको  २८ करोड ५६ हजार ४ सय ४ रुपैयाँँ बराबरको ५ लाख ५७ हजार १ सय ५९ कित्ता शेयर किनबेच भएको छ ।