काठमाडौँ  । पशुपति क्षेत्र विकास कोषको कार्यकारी निर्देशकमा पत्रकार लक्ष्मी पुन नियुक्त हुनुभएको छ । संस्कृति, पर्यटन तथा नागरिक उड्डयनमन्त्री सुदन किरातीको अध्यक्षतामा आज भएकोे पशुपति क्षेत्र विकास सञ्चालक परिषद्को बैठकले पुनलाई उक्त पदमा नियुक्त गरेको हो । 

पशुपति क्षेत्र विकास कोषको कार्यकारी निर्देशकको पद नेपाल सरकारको राजपत्रांकित विशिष्ट श्रेणी वा सचिव सरहको पद हो । 

प्रेस सेन्टर नेपालको सल्लाहकार समेत रहनु भएकि पुन नेपाल पत्रकार महासंघको सचिव, प्रेस सेन्टर नेपालको उपाध्यक्ष तथा पूर्व गृहमन्त्री जनार्दन शर्माको प्रेस सल्लाहकारसमेत भइसक्नु भएको छ । स्थायी रुकुम पश्चिमको सानीभेरी गाउँपालिका स्थायी घर भएकि पुनले कानूनमा स्नातक र अंग्रेजी विषयमा स्नातकोत्तर तह उत्रीण गर्नुभएको छ ।

यसअघिका कार्यकारी निर्देशक घनश्याम खतिवडाको पदावधि पुस एक गते सकिएको थियो । पुनले बिहीबार पदभार ग्रहण गर्ने पशुपति क्षेत्र विकास कोषले जनाएको छ ।