नेपालकैरन
मोरङ । बेलबारीमा सवारी दुर्घटना हुँदा ३ जनाको मृत्युभएको छ । बेलबारी नगरपालिकाको वडा नम्बर १ र ३ को सिमानामा टिपर, बस र बोलेरो जीप ठोक्किँदा ३ जनाले जीवन गुमाएका हुन् ।
पश्चिमबाट पूर्वतर्फ जाँदै गरेको प्रदेश १-०२-००१ ख ९६७६ नम्बरको टिपरले पश्चिमतर्फ आउँदै गरेको बागमती प्रदेश ०३-००१ ख २७१८ नम्बरको बससँग ठोक्किएपछि बसको पछाडि आउँदै गरेको मे १ ज २८५६ नम्बरको बोलेरो जीपलाई ठक्कर दिएको हो ।
दुर्घटनामा झापाको कमल गाउँपालिका वडा नम्बर २ का ५२ वर्षीय यदुकान्त भट्टराई, वडा नम्बर ४ की ४४ वर्षीया दीपा खानाल र बिर्तामोड नगरपालिका २ का ३६ वर्षीय कृष्ण गजुरेलले जीवन गुमाएको प्रहरीले जनाएको छ ।
गम्भीर घाइते कमल गाउँपालिका ४ का ४६ वर्षीय हरि खनाल र कमल २ की ४८ वर्षीया गायत्री भट्टराईको विराटनगरस्थित न्यूरो अस्पतालमा उपचार भइरहेको छ ।
प्रहरीका अनुसार मृतक दीपा घाइते अवस्थाका हरिकी श्रीमती हुनुहुन्छ । मृतक यदुकान्त घाइते भएकी गायत्रीका श्रीमान् हुुनुहुन्छ । गजुरेल बोलेरो चालक हुन् ।
मोरङ प्रहरी प्रवक्ता रञ्जनकुमार दाहालका अनुसार बसले बोलेरोलाई ओभरटेक गर्न खोज्दा तीन सवारी आपसमा जुधेको हो । मृतक र घाइते बोलेरो जीपमा सवार हुन् । टिपर चालक र बसमा सवार रहेकाहरु भने सकुशल छन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- दुईवटा विषय थाती राखेर उपसमितिले बुझायो विद्यालय शिक्षा विधेयकको प्रतिवेदन
- रसुवामा स्याउ बोकेको गाडीमा भेटियो ठूलो परिमाणमा सुन
- दुर्गा प्रसाईंलाई थप ४ दिन हिरासतमा राख्न अदालतको अनुमति
- पानी पर्ने बादल सक्रिय, सतर्क रहन विभागको आग्रह
- २५ बुँदे ‘सगरमाथा कार्य आह्वान’ जारी गर्दै सगरमाथा संवाद सम्पन्न
- कारको ठक्करबाट मर्निङ वाकमा निस्किएका दुई महिलाको मृत्यु
- हिमाल जोगाउनु भनेको पृथ्वी, महासागर र मानवता जोगाउनु हो : प्रधानमन्त्री
- मोहनबहादुर बस्नेतको सांसद पद स्वतः निलम्बन
- साढे ५ वर्ष बित्दा पनि बनेन नयाँ संसद भवन
- चौध महिनापछि धुमधामसँग देउवालाई प्रधानमन्त्री पद हस्तान्तरण गर्छु