काठमाडौँ। पूर्वउद्योगमन्त्री तथा नेकपा एकीकृत समाजवादीका नेता सोमप्रसाद पाण्डेले एनसेल प्रकरणमा निष्पक्ष छानविन हुनुपर्नेमा जोड दिनुभएको छ ।  रफत सञ्चार क्लबले मंगलबार भक्तपुरमा आयोजना गरेको सञ्चार–संवादमा उहाँले एनसेललाई अब राष्ट्रियकरण गर्नुपर्ने बताउनुभयो । 

‘डेढ खर्बको लागत रहेको एनसेल कम्पनीको शेयर खरिद बिक्रीको रकम र ६ अर्ब रुपैयाँ मात्रै हुनुले त्यहाँ गलत भएको तथ्य उजागर भएको छ’ उहाँले भन्नुभयो– ‘सरकारी अभिलेख हेर्दा पनि एनसेलले ६ अर्ब रुपैयाँ मुनाफाको अंश विदेश लगेको देखिन्छ, यस्तो अवस्थामा ठूलो रकम कर छलेको सहजै अनुमान गर्न सकिन्छ छानबिन समितिले निष्पक्ष छानबिन  त्यसलाई राष्ट्रियकरण गरिनुपर्छ ।’

फरक सन्दर्भमा नेता पाण्डेले मेलम्चीको पानीे काठमाडौँबासीलाई यथाशीघ्र उपलब्ध गराउन,  काठमाडौँ उपत्यकामा द्रुत बससेवा स्थानीय निकायसँग समन्वय गरेर सञ्चालन गर्न, धौवादीस्थित फलाम खानी संरक्षणलाई सरकारले प्राथमिकतामा राख्नुपर्ने बताउनुभयो ।