काठमाडौँ ।  नेपाल प्रगतिशील प्राध्यापक सङ्गठनको एघारौँ सम्मेलनबाट अध्यक्षमा डा. पद्म प्रसाद खतिवडा निर्विरोध चयन हुनुभएको छ । खतिवडाको नेतृत्वमा १५१ सदस्य कमिटी निर्विरोध चयन भएको हो । 

अध्यक्षमा खतिवडा निर्वाचित हुँदा वरिष्ठ उपाध्यक्षमा मनोज विष्ट निर्वाचित हुनुभएको छ । उपाध्यक्षमा नरेन्द्र कोइराला, भरत राई , तेज विक्रम बस्नेत, रामजी पोखरेल, बलराम रायमाझी, तिलक भुसाल, नरेन्द्र सिवाकोटी र माया घिमिरे सर्वसम्मत चयन हुनुभएको छ । 

यसैगरी महासचिवमा सुमन खरेल, तीन उपमहासचिवमा नन्दीकिशोर नेपाल, दिनेश पन्थी र देवराज आर्याल निर्वाचित हुनुभएको छ । 

कोसी सचिवमा होम बहादुर बस्नेत, मधेश सचिवमा किशोर साह, बागमती सचिवमा छवि बराल र गण्डकी सचिवमा श्रीकान्त खतिवडा निर्वाचित हुनुभएको छ ।  भुवनेश्वर लामिछाने , विष्णु कुमार खड्का र कृष्ण सिंह साउद पनि सचिवमा निर्वाचित हुनुभएको छ । कोषाध्यक्षमा कृष्ण ओझा निर्वाचित हुँदा सह कोषाध्यक्षमा चन्द्र बदना राई निर्वाचित हुनुभएको निर्बाचन कमिटीले जनाएको छ । 


लेखा आयोग अध्यक्षमा बिदुर नेपाल, सचिवमा केपी अर्याल र अनुशासन आयोग अध्यक्षमा बाबुराम चापागाईँ पनि सर्वसम्मत चयन हुनुभएको छ । 

नेपाल प्रगतिशील प्राध्यापक सङ्गठन नेकपा एमाले समर्थित प्राध्यापकहरुको संगठन हो ।