काठमाडौँ । पूर्वप्रधानमन्त्री तथा नेकपा एकीकृत समाजवादीका अध्यक्ष माधव नेपालले नेपाली कांग्रेसका सभापति शेरबहादुर देउवालाई प्रधानमन्त्री केपी शर्मा ओलीको व्यवहारबाट सचेत रहन आग्रह गर्नुभएको छ । 

पूर्वप्रधानमन्त्री  नेपालले शुक्रबार जनता समाजवादी पार्टी (जसपा) नेपालले आयोजना गरेको भूमि अध्यादेशबारे आयोजित अन्तरक्रियामा कांग्रेस सभापति  देउवालाई यस्तो आग्रह गर्नुभएको हो । 

 समाजवादीका अध्यक्ष  नेपालले संविधान संशोधनको नाममा अहिलेको गठबन्धन बनाएको प्रधानमन्त्री ओली सुनाउने गरेतामा व्यवहारमा त्यस्तो नदेखिएको बताउनुभयो । 

‘संविधान संशोधन गर्ने नाममा अहिलेको गठबन्धन ल्याइयो’ उहाँले भन्नुुभयो अब त संशोधन होला भनेको, ०८७ मा संशोधन गर्ने कुरा फेरि शसरु भयो ।’

समाजवादीका अध्यक्ष  नेपालले कांग्रेस सभापति  देउवालाई ओलीको जालमा नपर्न आग्रह गर्नुभयो ।  , ‘२०८७ सालसम्म यही प्रधानमन्त्री टिक्ने हो कि, बस्ने हो कि ?’  उहाँले भन्नुुभयो  होसियार है, शेरबहादुरजी तपाईंले खुबै विश्वास गर्नुहुन्छ। फेरिसँगै स्वर्ग जाउँला भनेर मख्ख परेर बस्नुभएको होला । नर्क पुर्याइदेलान् है होस् गर्नुस् ।’


पूर्वप्रधानमन्त्री नेपालले भूमिसम्बन्धी अध्यादेश सरकारले फिर्ता लिनुपर्ने बताउनुभएको छ ।  उहाँले  जसपालाई अध्यादेशको समर्थन गर्छु भनेर अलमलमा नपर्न आग्रह समेत गर्नु गर्नुभएको छ ।